Inter Hall Tickets 2019: నేటి నుంచి ఇంటర్ సప్లిమెంటరీ హాల్​టికెట్లు

తెలంగాణలో ఇంటర్‌‌‌‌ అడ్వాన్స్‌‌‌‌డ్‌‌‌‌ సప్లిమెంటరీ పరీక్షకు సంబంధించిన హాల్‌‌‌‌టికెట్లు శనివారం (మే 25) నుంచి అందుబాటులోకి రానున్నాయి. హాల్‌టికెట్లను సంబంధిత కళాశాలల లాగిన్లలో అందుబాటులో ఉంచనున్నట్లు ఇంటర్‌‌‌‌బోర్డు కార్యదర్శి అశోక్‌‌‌‌కుమార్‌ శుక్రవారం‌‌‌ తెలిపారు. శనివారం సాయంత్రం 5 గంటల నుంచి కళాశాలల ప్రిన్సిపాల్స్‌ హాల్‌టికెట్లను‌ డౌన్‌‌‌‌లోడ్‌‌‌‌ చేసుకోచ్చని ఆయన సూచించారు. హాల్‌టికెట్‌ వివరాల్లో ఏమైనా తప్పులుంటే వచ్చే మే నెల 28లోగా సంబంధిత జిల్లా డీఐఈఓ లేదా నోడల్‌‌‌‌ ఆఫీసర్‌‌‌‌‌కు ఫిర్యాదు చేసి, సవరణకు పంపించాలని అశోక్ తెలిపారు.తెలంగాణలో జూన్ 7 నుంచి ఇంటర్ సప్లిమెంటరీ/ఇంప్రూవ్‌మెంట్ పరీక్షలు ప్రారంభంకానున్న సంగతి తెలిసిందే. జూన్ 14 వరకు పరీక్షలు జరగనున్నాయి. ఉదయం 9 గంటల నుంచి మధ్యాహ్నం 12 గంటల వరకు ఇంటర్ ప్రథమ సంవత్సరం విద్యార్థులకు, మధ్యాహ్నం 2.30 గంటల నుంచి సాయంత్రం 5.30 గంటల వరకు ద్వితీయ సంవత్సరం విద్యార్థులకు పరీక్షలు నిర్వహించనున్నారు. అదేవిధంగా.. జూన్ 15 నుంచి 18 వరకు ప్రాక్టికల్ పరీక్షలు నిర్వహించనున్నారు. ఉదయం 9 గం. - మ.12.00 గం. వరకు, మధ్యాహ్నం జూన్ 19న ఎథిక్స్ & హ్యూమన్ వ్యాల్యూస్; జూన్ 20 ఎన్విరాన్‌మెంటల్ ఎడ్యుకేషన్ పరీక్ష నిర్వహించనున్నారు.