TSLPRB Exam Instructions: కానిస్టేబుల్ అభ్యర్థులూ.. ఇవి పాటించరూ...

తెలంగాణ ప్రభుత్వం ప్రతిష్టాత్మకంగా చేపట్టిన పోలీసు ఉద్యోగాల భర్తీకి సంబంధించి సెప్టెంబరు 30న కానిస్టేబుల్ పోస్టులకు రాతపరీక్ష నిర్వహించనున్నారు. మొత్తం 16,925 కానిస్టేబుల్ పోస్టులకుగాను రాష్ట్రవ్యాప్తంగా 4 లక్షలకు పైగా అభ్యర్థులు దరఖాస్తు చేసుకున్నారు. వీరికి 30న ఉదయం 10 గంటల నుంచి మధ్యాహ్నం ఒంటి గంట వరకు ప్రిలిమ్స్ పరీక్ష నిర్వహించనున్నారు. రాతపరీక్షకు సంబంధించిన హాల్‌టికెట్లను ఇప్పటికే పోలీసు నియామక బోర్డు వెబ్‌సైట్‌లో అందుబాటులో ఉంచారు.
హాల్‌టికెట్ల కోసం క్లిక్ చేయండి..

పరీక్షకు హాజరయ్యే అభ్యర్థులకు అధికారులు ముఖ్యమైన సూచనలు ఇస్తున్నారు. వాటిని పాాటించడం ద్వారా పరీక్ష సమయంలో ఆందోళన చెందాల్సిన అవసరం ఉండదు. అవేంటో చూద్దాం..
అభ్యర్థులకు ముఖ్యమైన సూచనలు
* అభ్యర్థులు ఒక నిమిషం ఆలస్యమైనా పరీక్షా కేంద్రానికి అనుమతించరు.
* అభ్యర్థులు నిర్దేశించిన సమయానికి రెండుగంటల ముందుగానే పరీక్షా కేంద్రాలకు చేరుకోవాలి. పరీక్షకు గంటముందు నుంచి పరీక్ష హాల్‌లోకి అభ్యర్థులను పంపిస్తారు.
* బ్లూ/ బ్లాక్ బాల్ పాయింట్ పెన్నుతో మాత్రమే పరీక్ష రాయాలి. అదనంగా మరో పెన్ను తీసుకెళ్లడం మంచిది.
* చేతులకు గోరింటాకు ఉండకూడదు. ఆభరణాలు ధరించకూడదు.
* చేతి గడియారం, ఎలక్ట్రానిక్ పరికరాలు, పర్సులు, హ్యాండ్ బ్యాగులు తీసుకురాకూడదు.
* వదులుగా ఉండే దుస్తులు ధరించి పరీక్షకు వెళ్లకూడదు.
* బయోమెట్రిక్ విధానం ద్వారా అభ్యర్థుల వేలిముద్రలు తీసుకుంటారు.
* పరీక్ష హాల్‌లో అభ్యర్థి ఫొటోలను తీస్తారు. దీంతో ఒకరి బదులు మరొకరు పరీక్ష రాయడానికి ప్రయత్నిస్తే సులువుగా దొరికిపోతారు. వారిపై కేసులు కూడా నమోదు చేస్తారు.
ఇది కూడా చదవండి.. కానిస్టేబుల్ రాతపరీక్ష విధానమిలా!