TS SI Constable Prelims Exam Dates: తెలంగాణలో ఆగస్టు 7న ఎస్‌ఐ ఉద్యోగాలకు ప్రిలిమ్స్‌ రాత పరీక్ష.. హాల్‌టికెట్లు ఎప్పటి నుంచి అంటే..?

Telangana Police Recruitment Board TSLPRB releases exam schedule: తెలంగాణలో పోలీస్‌ ఉద్యోగాలకు అప్లయ్‌ చేసుకున్న అభ్యర్థులకు గుడ్‌న్యూస్‌. తెలంగాణ ఎస్‌ఐ, కానిస్టేబుల్‌ ప్రిలిమ్స్‌ రాత పరీక్ష తేదీలను పోలీస్‌ రిక్రూట్‌మెంట్‌ (TSLPRB) ప్రకటించింది. రెండు దఫాల్లో పోలీస్‌ పరీక్షలు జరుగనున్నాయి. ఆగస్టు 7వ తేదీన ఎస్‌ఐ (SI) ఉద్యోగాలకు.. ఆగస్టు 21న కానిస్టేబుల్‌ (Constable) ఉద్యోగాలకు ప్రిలిమ్స్‌ పరీక్షలు (Prelims Exam Dates) నిర్వహించనున్నారు. ఈ పరీక్షలు ఉదయం 10 గంటల నుంచి మధ్యాహ్నం 1 గంటల వరకు జరుగనున్నాయి.

దరఖాస్తు చేసుకున్న అభ్యర్థులు ఎస్‌ ఉద్యోగాలకు సంబంధించి జులై 30 నుంచి.. కానిస్టేబుల్‌ ఉద్యోగాలకు సంబంధించి ఆగస్టు 10 నుంచి అడ్మిట్‌ కార్డులను https://www.tslprb.in/ వెబ్‌సైట్‌ నుంచి డౌన్‌లోడ్‌ చేసుకోవచ్చు.

అధికారిక ప్రకటన కోసం క్లిక్‌ చేయండి

తెలంగాణలో మొత్తం 554 ఎస్సై, 15,644 కానిస్టేబుల్‌ పోస్టులకు ఏప్రిల్‌ 25న నోటిఫికేషన్‌ విడుదలైన సంగతి తెలిసిందే. మరో 614 ప్రొహిబిషన్‌, ఎక్సైజ్‌ కానిస్టేబుల్‌ పోస్టులకు ఏప్రిల్‌ 28న నోటిఫికేషన్‌ విడుదలైంది. ఈ మేరకు 2.54 లక్షల మంది అభ్యర్థులు ఎస్సై ప్రిలిమినరీ పరీక్షకు హాజరుకానున్నట్లు అధికారులు భావిస్తున్నారు. కానిస్టేబుల్‌ పోస్టులకు 6.50 లక్షల మంది దరఖాస్తులు చేసుకున్నట్లు తెలిపారు. ఎస్సై పోస్టులకు హైదరాబాద్‌ సహా రాష్ట్రంలోని 20 పట్టణాల్లో పరీక్షా కేంద్రాలు ఏర్పాటు చేయగా, కానిస్టేబుల్‌ పరీక్షలకు హైదరాబాద్‌ సహా 40 పట్టణాల్లో పరీక్షా కేంద్రాలు ఏర్పాటు చేసినట్లు సంబంధిత అధికారులు వెల్లడించారు.