Schools Reopen in TS: తెలంగాణలో స్కూళ్లు, కాలేజీల రీఓపెన్‌ ఎప్పుడో తెలుసా..?

తెలంగాణలో కరోనా వ్యాప్తి నేపథ్యంలో విద్యా సంస్థలకు సంక్రాంతి సెలవులను పొడిగించిన విషయం తెలిసిందే. ఈ నెల 31వరకు విద్యాశాఖ సెలవులు ఇవ్వగా.. కొన్ని రోజుల నుంచి ఆన్‌లైన్‌లో తరగతుల నిర్వహిస్తోంది.. అయితే విద్యా సంస్థల పున:ప్రారంభంపై సందిగ్ధత నెలకొన్న నేపథ్యంలో ఫిబ్రవరి 1 నుంచి స్కూళ్లు తెరిచే అవకాశమున్నట్లు తెలుస్తోంది. ఈ మేరకు ప్రభుత్వం నిర్ణయించినట్లు సమాచారం.

CISF Constable Jobs: 1149 కానిస్టేబుల్ ఉద్యోగాలకు నోటిఫికేషన్ విడుదల.. ఏపీ, తెలంగాణలో ఎన్ని ఖాళీలంటే..?
పాఠశాలల పునఃప్రారంభంపై ప్రభుత్వం ఇవ్వాళ అధికారికంగా ప్రకటించనున్నట్లు సమాచారం. దేశంలోని పలు రాష్ట్రాల్లో కరోనా ఉద్ధృతి క్రమంగా అదుపులోకి వస్తోన్న నేపథ్యంలో ఆయా రాష్ట్ర ప్రభుత్వాలు కూడా పాఠశాలలను తెరిచేందుకు సిద్ధమవుతున్నాయి. ఇప్పటికే మహారాష్ట్ర జనవరి 24 నుంచే స్కూళ్లను పున:ప్రారంభించిన విషయం తెలిసిందే.

ఈ నేపథ్యంలోనే కరోనా నిబంధనలు పాటిస్తూ స్కూళ్లు, కాలేజీలు తెరవాలని యోచిస్తున్న ప్రభుత్వం.. వైద్యారోగ్య శాఖ నివేదిక ఇచ్చిన మేరకు ఈ నిర్ణయం తీసుకున్నట్లు తెలుస్తోంది.. మరోవైపు కాలేజీలు, హాస్టళ్లు మూసేయాలని యోచిస్తూ పాఠశాలలు తెరవడం ఎంతవరకు కరెక్టని హైకోర్టు శుక్రవారం తెలంగాణ సర్కార్‌ను ప్రశ్నించింది. దీంతో విద్యా సంస్థల పున:ప్రారంభంపై ఏ నిర్ణయం తీసుకోలేదని ప్రభుత్వం కోర్టుకు తెలిపింది. ఇక.. ఇప్పటికే మహారాష్ట్ర ప్రభుత్వం జనవరి 24 నుంచే స్కూళ్లను పునఃప్రారంభించిన విషయం తెలిసిందే.