TSBIE Result 2019 Date: త్వరలో ఇంటర్ ఫలితాల వెల్లడి.. ఇంటర్ బోర్డు స్పష్టత

ఒకవైపు ఏపీలో ఇంటర్ ఫలితాలు వెల్లడికాగా.. తెలంగాణలో మాత్రం విద్యార్థులు ఫలితాల కోసం ఎదురుచూస్తున్నారు. అయితే ఫలితాల వెల్లడిపై వస్తున్న ప్రచారంపై ఇంటర్ బోర్డు కార్యదర్శి అశోక్ స్పందించారు. ఫలితాల వెల్లడి తేదీలపై ఇప్పటిదాకా ఎలాంటి నిర్ణయం తీసుకోలేదని.. త్వరలోనే ఫలితాలను వెల్లడించనున్నట్లు ప్రకటనలో పేర్కొన్నారు. విద్యార్థులు, వారి తల్లిదండ్రులు ఆందోళన చెందాల్సిన అవసరంలేదని ఆయన అన్నారు. ఫలితాల వెల్లడికి అన్ని ఏర్పాట్లు చేస్తున్నామని.. ఇందుకు సంబంధించిన ప్రక్రియ తుదిదశలో ఉందని.. అన్ని రకాల ప్రక్రియలు పూర్తయ్యాక వీలైనంత త్వరలో ఫలితాల విడుదల తేదీని మీడియాకు తెలియపరుస్తామని అశోక్ తెలిపారు.
ఇంటర్ ఫలితాల వెల్లడి తేదీ ఖరారు!

ఇదిలా ఉండగా.. ఏప్రిల్ 15 తర్వాతే ఫలితాలు వెల్లడయ్యే అవకాశాలు కనిపిస్తున్నాయి. ఫలితాలు విడుదలకు సిద్ధంగా ఉన్నప్పటికీ.. ఏమాత్రం పొరపాటు రావొద్దని మరోసారి సరి చూసుకుంటున్నారు అధికారులు. తప్పులు లేకుండా విడుదల చేయడం మంచిది అనే ఉద్దేశంలో ఇంటర్ బోర్డు ఉంది. ఏప్రిల్ 13 శనివారం, ఏప్రిల్ 14 ఆదివారం రోజుల్లో సరి చూసుకుని.. ఆ తర్వాత ఒకటి, రెండు రోజుల్లో ఫలితాలను వెల్లడించే అవకాశం ఉందని తెలుస్తోంది.

తెలంగాణలో ఫిబ్రవరి 27 నుంచి మార్చి 16 వరకు ఇంటర్ ప్రథమ సంవత్సరం పరీక్షలను, ఫిబ్రవరి 28 నుంచి మార్చి 18 వరకు ద్వితీయ సంవత్సరం పరీక్షలను నిర్వహించారు. రాష్ట్రవ్యాప్తంగా ఏర్పాటు చేసిన 1300 పరీక్ష కేంద్రాల్లో పరీక్షలు నిర్వహించారు. ఇంటర్ ప్రథమ, ద్వితీయ సంవత్సరాల నుంచి 9,42,719 లక్షల మంది విద్యార్థులు పరీక్షలకు హాజరయ్యారు. వీరిలో ప్రథమ సంవత్సరానికి చెందిన విద్యార్థులు 4,52,550 మంది, ద్వితీయ సంవత్సరానికి చెందిన విద్యార్థులు 4,90,169 మంది ఉన్నారు.

కింది వెబ్‌సైట్లలో కూడా ఫలితాలు విడుదల చేయనున్నారు.
http://results.cgg.gov.in/
tsbie.cgg.gov.in
bie.telangana.gov.in
exam.bie.telangana.gov.in
bie.tg.nic.in