TSLPRB Events Date: ఎస్సై, కానిస్టేబుల్ ఫిజికల్ ఈవెంట్స్ వాయిదా

తెలంగాణలో ఎస్సై, కానిస్టేబుల్ ఉద్యోగాల భర్తీకి సంబంధించిన ఫిజికల్ ఈవెంట్ (పీఎంటీ, పీఈటీ) పరీక్షలు వాయిదా పడ్డాయి.
రాష్ట్ర ఉన్నత న్యాయస్థానం ఆదేశాల మేరకు పరీక్షలను తాత్కాలికంగా వాయిదా వేస్తున్నట్లు తెలంగాణ రాష్ట్రస్థాయి పోలీసు నియామక మండలి వెల్లడించింది. డిసెంబ‌ర్‌ 17 నుంచి జరగాల్సిన ఈ పరీక్షలను వాయిదా వేస్తున్నామని, తదుపరి తేదీలను త్వరలోనే ప్రకటించనున్నట్లు తెలిపింది. ఈ మేరకు నియామక మండలి మంగళవారం(డిసెంబ‌ర్ 11) ఒక ప్రకటన విడుదల చేసింది.
హాల్‌టికెట్ కోసం క్లిక్ చేయండి..

కొందరు అభ్యర్థులు కోర్టులో కేసులు వేసిన నేపథ్యంలో హైకోర్టు సూచన మేరకు ఈ నిర్ణయం తీసుకున్నట్లు బోర్డు పేర్కొంది. ఈ పరీక్షలకు ఇప్పటికే దరఖాస్తు చేసుకున్న వారు డిసెంబ‌ర్‌ 15 అర్ధరాత్రి 12 గంటల వరకు హాల్‌టికెట్లు డౌన్‌లోడ్‌ చేసుకోవచ్చని బోర్డు సూచించింది.
వెబ్‌సైట్