TS VRO Final Key: వీఆర్‌వో ఫైనల్ ‘కీ’ విడుదల.. త్వరలో ఫలితాలు

తెలంగాణలో విలేజ్ రెవెన్యూ ఆఫీసర్ (వీఆర్‌వో) పోస్టుల భర్తీకి సంబంధించిన రాత పరీక్ష ఫైనల్ ‘కీ’ని టీఎస్‌పీఎస్సీ మంగళవారం (అక్టోబర్ 16) సాయంత్రం విడుదల చేసింది. రాష్ట్రవ్యాప్తంగా 700 వీఆర్వో పోస్టుల భర్తీకి సెప్టెంబరు 16న రాతపరీక్ష నిర్వహించిన విషయం తెలిసిందే. దీనికి సంబంధించిన ప్రాథమిక (ప్రిలిమినరీ) 'కీ'ని సెప్టెంబర్ 22న విడుదల చేశారు. అభ్యర్థుల నుంచి అభ్యంతరాలను స్వీకరించిన తర్వాత తుది ‘కీ’ని వెబ్‌సైట్‌లో అందుబాటులో ఉంచారు. ప్రాథమిక 'కీ'పై అభ్యంతరాలను సెప్టెంబరు 24 నుంచి 30 వరకు స్వీకరించారు.

తుది ‘కీ’ వెల్లడించిన నేపథ్యంలో వీఆర్‌వో పోస్టుల రాత పరీక్ష ఫలితాలను త్వరలోనే వెల్లడించనున్నారు. 700 వీఆర్వో పోస్టులకుగాను రాష్ట్రవ్యాప్తంగా 10.58 లక్షల మంది దరఖాస్తు చేసుకున్నారు. వీరిలో 7,87,049 మంది (78.46%) పరీక్షకు హాజరయ్యారు. తుది ‘కీ’లో ఏవైనా మార్పులు చేర్పులు ఉంటే తప్పా ఫలితాలు వెల్లడిలో జాప్యం ఉండదు.

వీఆర్‌వో ఫైనల్ 'కీ' కోసం క్లిక్ చేయండి..

వీఆర్‌వో రాతపరీక్ష జవాబు పత్రాలు..