VRO Answer Keys: వీఆర్వో పరీక్ష ప్రాథమిక 'కీ'.. అభ్యంతరాల స్వీకరణ షురూ

తెలంగాణలో వీఆర్వో పోస్టుల భర్తీకి సంబంధించి సెప్టెంబరు 16న నిర్వహించిన రాతపరీక్ష ప్రాథమిక 'కీ' ని టీఎస్‌పీఎస్సీ అధికారులు ఆదివారం (సెప్టెంబరు 23న) విడుదల చేసిన సంగతి తెలిసిందే. టీఎస్‌పీఎస్సీ అధికారిక వెబ్‌సైట్‌లో 'కీ'ని అందుబాటులో ఉంచారు. ప్రాథమిక 'కీ'పై అభ్యర్థులకు ఏమైనా అభ్యంతరాలుంటే తెలియజేయడానికి సెప్టెంబరు 24 నుంచి 30 వరకు అవకాశం కల్పించారు.

ఈ మేరకు సోమవారం (సెప్టెంబరు 24) అభ్యంతరాలు తెలపడానికి అవసరమైన లింక్‌ను టీఎస్‌పీఎస్సీ అందుబాటులోకి తెచ్చింది. అయితే 30 తర్వాత తెలిపే అభ్యంతరాలను పరిగణనలోకి తీసుకోరు. అనంతరం తుది 'కీ' విడుదల చేస్తారు. ఆ తర్వాత తుది ఫలితాలను కూడా విడుదల చేస్తారు.
వీఆర్వో ప్రాథమిక 'కీ'పై అభ్యంతరాలకు క్లిక్ చేయండి..

700 వీఆర్వో పోస్టులకుగాను రాష్ట్రవ్యాప్తంగా 10.58 లక్షల మంది దరఖాస్తుచేసుకున్న సంగతి తెలిసిందే. వీరిలో 10 లక్షల మంది అభ్యర్థులు హాల్‌టికెట్లు డౌన్‌లోడ్‌ చేసుకోగా.. 7,87,049 మంది (78.46%) హాజరయ్యారు.
వీఆర్వో పరీక్ష ఆన్సర్ షీట్, ప్రిలిమినరీ 'కీ' కోసం క్లిక్ చేయండి..