Dasara Holidays: 'దసరా' సెలవులు అక్టోబరు 9 నుంచి..

తెలంగాణ, ఆంధ్రప్రదేశ్ ప్ర‌భుత్వాలు ద‌స‌రా సెల‌వుల‌ను ప్ర‌క‌టించాయి. రెండు రాష్ట్రాల్లోని ప్రభుత్వ, ప్రైవేటు పాఠశాలలకు అక్టోబరు 9 నుంచి 21 వరకు దసరా సెలవులుగా పరిగణించాలని ప్ర‌భుత్వాలు ఈ మేరకు ఆదేశాలు జారీ చేశాయి. తొలుత 12 రోజులే సెలవులు ప్రకటించినా.. 21న ఆదివారం సెలవు కావడంతో 22 నుంచి తిరిగి పాఠశాలలు ప్రారంభంకానున్నాయి. దీంతో విద్యార్థులకు మొత్తం 13 రోజులపాటు సెలవులు రానున్నాయి.

సెలవు రోజుల్లో తరగతులు నడిపే విద్యాసంస్థలపై చర్యలు తీసుకుంటామని ఇరు ప్రభుత్వాలు జారీచేసిన ఆదేశాల్లో పేర్కొన్నాయి.

ఈ సంవత్సరం అక్టోబర్ 17న దుర్గాష్టమి, 18న మహర్నవమి, 19న విజయదశమి పర్వదినాలు రానున్నాయి. 21వ తేదీన ఆదివారం కావడంతో 22న స్కూళ్లు తిరిగి ప్రారంభం కానున్నాయి.