త్వరలో ఇంటర్మీడియట్ ఫలితాలు...!

తెలంగాణలో ఇంటర్మీడియట్ ఫలితాలు మరో వారం, పది రోజుల్లో విడుదల కానున్నాయి. ఇంటర్మీడియట్‌ మొదటి, ద్వితీయ సంవత్సరం పరీక్ష ఫలితాలను ఏప్రిల్ 12 లేదా 13న తేదీల్లో విడుదలచేసే అవకాశం ఉందని తెలంగాణ ఇంటర్‌బోర్డ్ తెలిపింది. ఇప్పటికే పరీక్ష పత్రాల వాల్యూయేషన్ ప్రక్రియ పూర్తవడంతో ఫలితాలను విడుదల చేసేందుకు ఇంటర్‌బోర్డు కసరత్తు చేస్తోంది. గతేడాది ఏప్రిల్‌ 14న ఫలితాలు విడుదల చేసింది. ఈసారి అంతకంటే ముందుగానే ఫలితాలు విడుదల చేయాలని నిర్ణయించింది.

ఇంటర్ ప్రథమ సంవత్సరం పరీక్షలు ఫిబ్రవరి 28 నుంచి మార్చి 17 వరకు, ద్వితీయ సంవత్సరం పరీక్షలు మార్చి 1 నుంచి మార్చి 19 వరకు జరిగిన సంగతి తెలిసిందే. పరీక్షలు ముగిసి నెలకూడా గడువక ముందే... ఇంటర్ బోర్డు ఫలితాలను విడుదల చేయనుంది.