Manabadi AP SSC 10th Results 2023 : ఈరోజే 10వ తరగతి ఫలితాలు.. ఉదయం 11 గంటలకు రిజల్ట్‌ వెల్లడి

AP SSC Results 2023 Manabadi : ఆంధ్రప్రదేశ్‌ 10వ తరగతి పరీక్షల ఫలితాల విడుదలపై అధికారులు స్పష్టత ఇచ్చారు. ఇవాళ (మే 6 - శనివారం) ఉదయం 11 గంటలకు విద్యాశాఖ మంత్రి బొత్స సత్యనారాయణ విజయవాడలో AP SSC Results 2023 విడుదల చేయనున్నారు. ఏప్రిల్‌ 3 నుంచి 18 వరకు పదోతరగతి పరీక్షలు జరిగాయి. కేవలం 18 రోజుల్లోనే ఫలితాలను ఇస్తున్నామని మంత్రి బొత్స శుక్రవారం నిర్వహించిన మీడియా సమావేశంలో వెల్లడించారు. రాష్ట్ర వ్యాప్తంగా మొత్తం 6,05,052 మంది పరీక్షలకు హాజరు కాగా.. వీరిలో బాలురు 3,09,245, బాలికలు 2,95,807 మంది ఉన్నారు.

ఫలితాలు విడుదలైన తర్వాత విద్యార్థులు https://bse.ap.gov.in/ లేదా http://www.manabadi.co.in/ వెబ్‌సైట్‌లలో చెక్‌ చేసుకోవచ్చు. ఏపీలో ఏప్రిల్‌ 18వ తేదీతో 10వ తరగతి పరీక్షలు ముగిశాయి. ఈ ఏడాది సుమారు 6 లక్షల మంది విద్యార్థులు పరీక్షలకు హాజరయ్యారు. ఏప్రిల్‌ 19 నుంచి 26వ తేదీ వరకు 8 రోజుల పాటు రాష్ట్రంలోని 23 జిల్లాల్లో స్పాట్‌ వాల్యుయేషన్ జరిగింది. ఇందులో 30 నుంచి 35 వేల మంది ఉపాధ్యాయులు పాల్గొన్నారు.