CAT Results: 'క్యాట్-2018' ఫలితాలు విడుదల

ఇండియన్‌ ఇన్‌స్టిట్యూట్‌ ఆఫ్‌ మేనేజ్‌మెంట్‌‌‌లలో ప్రవేశానికి నిర్వహించిన కామన్‌ అడ్మిషన్‌ టెస్టు (క్యాట్‌) - 2018 ఫలితాలు శనివారం విడుదలయ్యాయి. ఇండియన్ ఇన్‌స్టిట్యూట్ ఆఫ్ కలకత్తా (ఐఐఎం కలకత్తా) ఫలితాలను విడుదల చేసింది. అభ్యర్థులు ఫలితాలను అధికారిక వెబ్‌సైట్ ద్వారా చూసుకోవచ్చు. ఫలితాల్లో 11 మంది 100 పర్సంటైల్ సాధించారు. వీరంతా ఇంజినీరింగ్ బ్యాక్ గ్రౌండ్ విద్యార్థులే కావడం విశేషం. ఇందులో 7 మంది ఐఐటీ విద్యార్థులే ఉన్నారు. మొత్తం 21 మంది విద్యార్థులు 99.99 పర్సంటైల్ స్కోరు సాధించి రెండో స్థానంలో నిలిచారు. వీరిలో 19 మంది ఇంజినీరింగ్ బ్యాక్‌గ్రౌండ్ నుంచి వచ్చినవాళ్లే.
ఫలితాల కోసం క్లిక్ చేయండి..

గతేడాది నవంబరు 25న దేశవ్యాప్తంగా 147 నగరాల్లో కామన్ అడ్మిషన్ టెస్ట్ (క్యాట్) 2018 పరీక్ష నిర్వహించారు. ఈ పరీక్షకు 2.4 లక్షల మంది దరఖాస్తు చేసుకోగా.. దాదాపు 2 లక్షల వరకు అభ్యర్థులు పరీక్షకు హాజరయ్యారు. ఈసారి పరీక్షల నిర్వహణ బాధ్యతను ఐఐఎం కలకత్తా చేపట్టింది. పరీక్ష ఆన్సర్ 'కీ'ని డిసెంబరు 2న విడుదల చేశారు. తదనంతరం జనవరి 5న ఫలితాలు విడుదల చేశారు. పరీక్షలో ఉత్తీర్ణులైన అభ్యర్థుల స్కోరుకు ఈ ఏడాది డిసెంబరు 31 వరకు విలువ ఉంటుంది. ఈ స్కోరు ఆధారంగా దేశవ్యాప్తంగా ఉన్న 20 ఐఐఎంలలో సీట్లు కేటాయిస్తారు. తెలుగు రాష్ట్రాల్లో క్యాట్‌ మార్కుల ఆధారంగానే హైదరాబాద్‌ కేంద్రీయ విశ్వవిద్యాలయం (హెచ్‌సీయూ) ఎంబీఏ సీట్లను భర్తీచేస్తుంది. విశాఖపట్నం ఐఐఎంలోనూ ప్రవేశాలు కల్పిస్తారు.
వెబ్‌సైట్