CUET Result 2022: సీయూఈటీ యూజీ ఫలితాలు విడుదల.. రిజల్ట్‌ లింక్‌ ఇదే

CUET Result 2022: సీయూఈటీ ఫలితాలు తాజాగా విడుదలయ్యాయి. ఇప్పటికే కామన్‌ యూనివర్సిటీ ఎంట్రెన్స్‌ టెస్ట్‌ ఆన్సర్‌ కీ విడుదలైంది. పరీక్షకు హాజరైన అభ్యర్థులు ఆన్స్‌ర్‌ కీ, ఫలితాలను https://cuet.samarth.ac.in/ వెబ్‌సైట్‌ ద్వారా డౌన్‌లోడ్‌ చేసుకోవచ్చు. దేశంలో CUET జరగడం ఇదే తొలిసారి. కాగా.. జులై 14 నుంచి ఆగస్టు 30 వరకు దేశంలో 510 కి పైగా నగరాల్లో CUET పరీక్ష నిర్వహించారు. 12వ తరగతి మార్కుల కంటే CUET స్కోర్‌ ఆధారంగానే వర్సిటీలు అడ్మిషన్లు కల్పించనున్నాయి. కనీస అర్హత మార్కులు ఎంత అనేది వర్సిటీలే నిర్ణయించనున్నాయి. అభ్యర్థులు వివరాలను https://cuet.samarth.ac.in/ వెబ్‌సైట్‌లో చూడొచ్చు.

మార్కింగ్ స్కీమ్ ఇలా:
అభ్యర్థి రాసిన సరైన సమాధానానికి ఐదు మార్కులు (+5) కేటాయిస్తారు. అయితే తప్పు సమాధానానికి ఒక మార్క్ మైనస్ (-1) చేయనున్నారు. అయితే ఆన్సర్ చేయకుండా వదిలివేసిన ప్రశ్నలకు ఎలాంటి మార్కులు ఇవ్వరు. ఒకవేళ ఫైనల్ రిజల్ట్స్‌లో ఒకటి కంటే ఎక్కువ ఆప్షన్స్ సరైనవని తేలితే, సరైన ఆప్షన్స్‌లో దేనినైనా గుర్తించిన వారికి మాత్రమే ఐదు మార్కులు ఇస్తారు. ఒకవేళ ప్రశ్నకు ఇచ్చిన అన్ని ఆప్షన్స్ సరైనవని గుర్తిస్తే.. ప్రశ్నను ప్రయత్నించిన వారందరికీ ఐదు మార్కులు (+5) కేటాయిస్తారు. ఆప్షన్స్‌లో ఏదీ సరైనది కాకపోయినా లేదా ఏదైనా ఒక ప్రశ్న తప్పుగా వచ్చినా లేదా క్వశ్చన్‌ను డ్రాప్ చేసినా.. డ్రాప్ చేసిన ప్రశ్నను ప్రయత్నించిన అభ్యర్థులందరికీ ఐదు మార్కులు (+5) ఇవ్వనున్నారు.

క్రాస్‌ చెక్ చేసుకోవచ్చు:సీయూఈటీ-2022 పరీక్షలకు సంబంధించిన ప్రైమరీ ఆన్సర్ కీని ఎన్‌టీఏ ఇటీవల విడుదల చేసింది. దీంతో అధికారిక వెబ్‌సైట్‌లో అందుబాటులో ఉన్న రెస్పాన్స్ షీట్‌తో తాత్కాలిక ఆన్సర్ కీని క్రాస్ చెక్ చేసుకోవచ్చు. సీయూఈటీ -2022 తాత్కాలిక ఆన్సర్ కీపై విద్యార్థులు లేవనెత్తిన అభ్యంతరాల ఆధారంగా తుది ఆన్సర్ కీ‌ను ఎన్‌టీఏ రిలీజ్ చేయనుంది.