GATE 2022 Answer Key: గేట్‌ 2022 ఆన్సర్‌ కీ విడుదల.. ఫలితాల విడుదల తేదీ ఇదే

GATE 2022 answer key: గ్రాడ్యుయేట్ ఆప్టిట్యూడ్ టెస్ట్ ఇన్ ఇంజనీరింగ్ (GATE) 2022 ఆన్సర్ కీ విడుదలైంది. ఈ మేరకు ఐఐటీ ఖరగ్‌పూర్ ప్రకటన విడుదల చేసింది. కాగా గేట్‌ పరీక్ష ఈ ఏడాది ఫిబ్రవరి 5 నుంచి 13 వరకు నిర్వహించిన విషయం తెలిసిందే. ఈ పరీక్షకు సంబంధించిన అఫీషియల్‌ ఆన్సర్‌ కీ విడుదలైంది.

పరీక్షకు హాజరైన విద్యార్థులు అధికారిక వెబ్‌సైట్ https://gate.iitkgp.ac.in/ నుంచి ఆన్సర్‌ కీని డౌన్‌లోడ్ చేసుకోవచ్చు. ఆన్సర్‌ కీలో ఏవైనా అభ్యంతరాలుంటే ఫిబ్రవరి 22 నుంచి ఫిబ్రవరి 25లోపు సవాళ్ల (Challenge)ను లేవనెత్తడానికి ఐఐటీ ఖరగ్‌పూర్‌ అవకాశం కల్పించింది. అభ్యర్థి లేవనెత్తే ప్రతి అభ్యంతరానికి రూ. 500 ఫీజును తప్పనిసరిగా చెల్లించాల్సి ఉంటుంది.

TSCAB Recruitment 2022: తెలంగాణ కో-ఆపరేటివ్‌ అపెక్స్‌ బ్యాంకుల్లో 445 ఉద్యోగాలు.. జిల్లాల వారీగా ఖాళీల వివరాలివే
ఇక ఈ పరీక్షకు సంబంధించిన తుది ఫలితాలు మార్చి 17 న విడుదల కానున్నాయి. అభ్యర్థులు తమ స్కోర్‌కార్డులను మార్చి 21 నుంచి డౌన్‌లోడ్ చేసుకోవచ్చు. గేట్ 2022 పరీక్షకు సంబంధించిన మరిన్ని అప్‌డేట్‌ల కోసం అభ్యర్థులు అధికారిక వెబ్‌సైట్ https://gate.iitkgp.ac.in/ ను సందర్శించాలి.

గేట్ 2022 ఆన్సర్‌ కీని ఇలా డౌన్‌లోడ్ చేసుకోవాలి:

• మొదట అధికారిక వెబ్‌సైట్‌ https://gate.iitkgp.ac.in/ ను ఓపెన్‌ చేయాలి
• గేట్‌ 2022 ఎన్‌రోల్‌మెంట్ నంబర్‌, పాస్‌వర్డ్‌ల సహాయంతో లాగిన్ కావాలి
• తర్వాత.. ఆన్సర్ కీ లింక్‌పై క్లిక్ చెయ్యాలి.
• అవసరమైన సబ్జెక్టుకు సంబంధించిన ఆన్సర్ కీని డౌన్‌లోడ్ చేసుకోవాలి.