IBPS Clerk Results 2018 Prelims: ఐబీపీఎస్ క్లర్క్ ప్రిలిమ్స్ ఫలితాలు విడుదల

దేశంలోని వివిధ ప్రభుత్వ బ్యాంకుల్లో ఖాళీగా ఉన్న క్లర్క్ పోస్టుల భర్తీకి నిర్వహించిన ప్రిలిమ్స్ రాతపరీక్ష ఫలితాలు శుక్రవారం (జనవరి 4) విడుదలయ్యాయి. ఫలితాలను ఐబీపీఎస్ వెబ్‌సైట్‌లో అందుబాటులో ఉంచారు. అభ్యర్థులు తమ రిజిస్ట్రేషన్ నెంబరు లేదా రూల్ నెంబర్; పాస్‌వర్డ్ లేదా పుట్టినతేది వివరాల ఆధారంగా ఫలితాలను చెక్ చేసుకోవచ్చు. ప్రిలిమినరీ పరీక్షలో ఉత్తీర్ణులైన అభ్యర్థులకు జనవరి 20న మెయిన్ పరీక్ష నిర్వహించనున్నారు.
ఫలితాల కోసం క్లిక్ చేయండి..

దేశవ్యాప్తంగా 19 ప్రభుత్వరంగ బ్యాంకుల్లో 7,275 క్లర్క్ పోస్టుల భర్తీకి ఐబీపీఎస్ నోటిఫికేషన్ జారీచేసిన సంగతి తెలిసిందే. వీటిలో తెలంగాణకు 162, ఆంధ్రప్రదేశ్ 167 పోస్టులను కేటాయించారు. సెప్టెంబరు 18 నుంచి అక్టోబరు 10 వరకు దరఖాస్తులు స్వీకరించారు. అనంతరం డిసెంబరు 8, 9, 15, 16 తేదీల్లో ప్రిలిమినరీ రాతపరీక్షలు నిర్వహించారు. వీటికి సంబంధించిన ఫలితాలనే తాజాగా విడుదల చేశారు. ప్రిలిమ్స్ పరీక్షలో ఉత్తీర్ణులైన అభ్యర్థులకు జనవరి 20న మెయిన్ పరీక్ష నిర్వహించనున్నారు. ఏప్రిల్ నాటికి నియామక ప్రక్రియను ముగించనున్నారు.
వెబ్‌సైట్