ISC 2020 Results: రేపే ఐసీఎస్ఈ క్లాస్ 10, ఐఎస్‌సీ క్లాస్ 12 ఫ‌లితాల వెల్ల‌డి

ఐసీఎస్ఈ 10వ తరగతి, ఐఎస్‌సీ 12వ తరగతి ప‌రీక్షా ఫ‌లితాల‌ను శుక్ర‌వారం మ‌ధ్యాహ్నం 3 గంట‌ల‌కు విడుద‌ల చేయ‌నున్నారు. ఈ మేర‌కు కౌన్సిల్ ఆఫ్ ది ఇండియ‌న్ స్కూల్ స‌ర్టిఫికెట్‌ ఎగ్జామినేష‌న్స్ (CISCE) ఒక ప్ర‌క‌ట‌న‌లో తెలిపింది.

ప‌రీక్ష‌ల ఫ‌లితాల‌ను విద్యార్థులు https://cisce.org/ లేదా https://results.cisce.org/ ఈ వెబ్‌సైట్లలో చూసుకోవచ్చు. అలాగే ఫ‌లితాల‌ను ఎస్ఎంఎస్ రూపంలోనూ పొందే అవకాశాన్ని కల్పించారు.

ఐసీఎస్ఈ, ఐఎస్‌సీకి అనుబంధంగా ఉన్న స్కూల్స్‌కి సంబంధించిన ప్రధానోపాధ్యాయులు త‌మ లాగిన్ ఐడీ, పాస్‌వ‌ర్డ్‌ల‌ను ఉప‌యోగించి కెరీర్స్ పోర్ట‌ల్‌‌లోకి లాగినై ఫ‌లితాల‌ను తెలుసుకోవ‌చ్చు.

Also read: విద్యార్థులకు అలర్ట్‌.. 1-10వ తరగతి పాఠాల షెడ్యూల్‌ మార్పు.. కొత్త షెడ్యూల్‌ విడుదల

అయితే కరోనా నేప‌థ్యంలో ఐసీఎస్ఈ, ఐఎస్‌సీ కౌన్సిల్ మార్చి 19 నుంచి 31వ తేదీ వ‌ర‌కు జ‌ర‌గాల్సిన ఆయా ప‌రీక్ష‌ల‌ను వాయిదా వేసిన విషయం తెలిసిందే. అనంతరం జూన్ నెల‌లో ప‌రీక్ష‌ల‌ను ర‌ద్దు చేస్తున్న‌ట్లు కౌన్సిల్‌ సుప్రీం కోర్టుకు తెలిపింది.

విద్యార్థులకు సంబంధించిన ఇంటర్నల్‌ మార్కుల ఆధారంగా ఆధారంగా తుది ఫలితాలను వెల్ల‌డిస్తామ‌ని కౌన్సిల్ పేర్కొంది. అందుకు అనుగుణంగానే రేపు (జులై 10) మధ్యాహ్నం ఫలితాలను వెల్లడించేందుకు ఏర్పాట్లు పూర్తి చేశారు.

Also read: రేపటి నుంచి కస్తూర్బా గాంధీ స్కూళ్లలో అడ్మిషన్లు ప్రారంభం.. చివరి తేదీ ఎప్పుడంటే..?