ఇండియన్ నేవీ SSR, AA ఫలితాలు విడుదల

ఇండియన్ నేవీలో 'ఆర్టిఫిజర్ అప్రెంటిస్(AA), సీనియర్ సెకండరీ రిక్రూట్(SSR)- ఫిబ్రవరి 2019 బ్యాచ్ ఫలితాలు అక్టోబరు 14న వెలువడ్డాయి. ఫలితాలతోపాటు అభ్యర్థుల మెరిట్ జాబితాను కూడా ఇండియన్ నేవీ విడుదల చేసింది. రాతపరీక్షకు హాజరైన అభ్యర్థులు తమ ఫలితాలను అధికారిక వెబ్‌సైట్‌లో చూసుకోవచ్చు. అయితే ఫలితాలు వెల్లడికావడంతో సర్వర్‌పై ఒత్తిడి పెరగడంతో.. వెబ్‌సైట్ మొరాయిస్తుంది. అభ్యర్థులు కాస్త ఓపికగా ఉండి తమ ఫలితాలను చూసుకోవచ్చు.
ఫలితాల కోసం క్లిక్ చేయండి..

దాదాపు 10,000 మందిని ఫిజికల్ ఫిట్‌నెస్ టెస్ట్, ప్రిలిమినరీ రిక్రూట్‌మెంట్ మెడికల్ ఎగ్జామినేషన్ పరీక్షలకు ఎంపిక చేస్తారు. తుది ఎంపిక ఫలితాను 2020 జనవరి 17న వెబ్‌సైట్‌లో అందుబాటులో ఉంచుతారు. ఎంపికైనవారికి ఐఎన్‌ఎస్ చిల్కాలో తుది మెడికల్ పరీక్షలు నిర్వహిస్తారు.

ఫలితాలు ఇలా చూసుకోండి..

➥ ఫలితాల కోసం అభ్యర్థులు మొదట అధికారిక వెబ్‌సైట్‌లోకి లాగిన్ కావాల్సి ఉంటుంది. - joinindiannavy.gov.in.

➥ లాగిన్‌లో అభ్యర్థి తన యూజర్ ఐడీ, పాస్‌వర్డ్/ పుట్టిన తేదీ వివరాలు నమోదు చేయాలి.

➥వివరాలు నమోదు చేయగానే 'view result' ఆప్షన్‌పై క్లిక్ చేయాలి.

➥ క్లిక్ చేయగానే అభ్యర్థికి సంబంధించిన ఫలితాలు దర్శమిస్తాయి.

➥ ఫలితాలతోపాటు తర్వాతి దశకు ఎంపికై అభ్యర్థుల మెరిట్ జాబితా కూడా చూసుకోవచ్చు.

➥ ఫలితాలు, మెరిట్ జాబితాను ప్రింట్ తీసుకొని భవిష్యత్ అవసరాల కోసం దాచుకోవాలి.