AP EAMCET 2020 result: ఈనెల 9న ఏపీ ఎంసెట్‌ ఫలితాలు.. డైరెక్ట్‌ లింక్‌ ఇదే..!

ఏపీ ఎంసెట్‌ ఫలితాలను ఈనెల 9న విడుదల చేయనున్నట్లు విద్యాశాఖ మంత్రి ఆదిమూలపు సురేష్‌ తెలిపారు. ఈసెట్‌ ఫలితాల విడుదల సందర్భంగా మంగళవారం ఆయన మీడియాతో మాట్లాడారు. ఈ సందర్భంగా మంత్రి ఎంసెట్‌ ఫలితాల విడుదల తేదీని వెల్లడించారు. సెప్టెంబర్‌ 17 నుంచి ఏపీలో ఎంసెట్‌ పరీక్షలు జరిగిన విషయం తెలిసిందే.

ఫలితాల కోసం ఇక్కడ క్లిక్‌ చేయండి: https://sche.ap.gov.in/EAMCET/EamcetHomePages/Home.aspx

అలాగే మరో లింక్‌: http://www.manabadi.co.in/Entrance-Exams/ap-eamcet-results-andhrapradesh-eamcet-results.asp

Must read: ఏపీలో 5905 అంగన్‌వాడీ పోస్టులు.. టెన్త్ విద్యార్హత

సెప్టెంబ‌ర్ 17, 18, 21, 22 తేదీల్లో ఇంజినీరింగ్‌, సెప్టెంబ‌ర్ 23 నుంచి 25 వ‌ర‌కు అగ్రిక‌ల్చ‌ర్ కోర్సుల్లో ప్రవేశాల‌కోసం ప‌రీక్ష‌ను నిర్వ‌హించారు. ప‌రీక్ష రెండు సెష‌న్ల‌లో జరిగింది. మొద‌టి సెష‌న్ ఉద‌యం 9 నుంచి 12 వ‌ర‌కు.. రెండో సెష‌న్ మ‌ధ్యాహ్నం 3 నుంచి 6 గంట‌ల‌వ‌ర‌కు జరిగింది. కంప్యూట‌ర్ ఆధారితంగా నిర్వ‌హించ‌నున్న ఈ ప‌రీక్ష‌ల కోసం 2,72,720 మంది విద్యార్థులు ద‌ర‌ఖాస్తు చేసుకున్నారు.

అలాగే.. నవంబర్‌ 2 నుంచి స్కూళ్లు తెరవాలని భావిస్తున్నామని.. కోవిడ్‌ నేపథ్యంలో అన్ని జాగ్రత్తలు తీసుకొని ఎవరికీ సమస్యలు తలెత్తకుండా చర్యలు చేపడతామని మంత్రి తెలిపారు. అయితే, కేంద్రం మళ్లీ ఇచ్చే మార్గదర్శకాలను అనుసరించి దీనిపై అప్పటి పరిస్థితులకు అనుగుణంగా సూచనలు అందిస్తామని పేర్కొన్నారు.

Must read: ఒకటో తరగతి నుంచే సెమిస్టర్ విధానం.. సిలబస్‌లో పూర్తి మార్పులు..!