AP SSC Supplementary Results: మరికాసేపట్లో ఏపీ 10వ తరగతి సప్లిమెంటరీ, బెటర్‌మెంట్‌ ఫలితాలు విడుదల.. లింక్‌ ఇదే

AP SSC Supplementary Results 2022: ఏపీ ఎస్‌ఎస్‌సీ సప్లిమెంటరీ, బెటర్‌మెంట్‌ ఫలితాలు ఈ రోజు (ఆగస్టు 3) ఉదయం 10 గంటలకు విడుదల కానున్నాయి. ఆంధ్రప్రదేశ్‌ 10వ తరగతి సప్లిమెంటరీ పరీక్ష ఫలితాలపై అధికారులు కీలక ప్రకటన చేశారు. జులై 6 నుంచి 15 వరకు జరిగిన సప్లిమెంటరీ పరీక్షా ఫలితాలను ఆగస్టు 3న విడుదల చేయనున్నట్లు ప్రకటించారు. ఆంధ్రప్రదేశ్‌ విద్యా శాఖ మంత్రి బొత్స సత్యనారాయణ చేతుల మీదుగా ఫలితాలు రానున్నాయి. బుధవారం ఉదయం 10 గంటలకు ఫలితాలను విడుదల చేయనున్నారు. ఈ పరీక్షలకు హాజరైన విద్యార్థులు AP SSC Supplementary Results వెలువడిన అనంతరం https://bse.ap.gov.in/ , http://www.manabadi.co.in/ వెబ్‌సైట్‌ ద్వారా ఫలితాలు చెక్‌ చేసుకోవచ్చు.

జులై 6 నుంచి 15 వరకు జరిగిన పదో తరగతి సప్లిమెంటరీ పరీక్షలో దాదాపు 2,01,627ల మంది విద్యార్ధులు హాజరయ్యారు. ఇదిలా ఉంటే ఏపీలో ఈసారి టెన్త్‌ ఫలితాలను గ్రేడ్‌లకు బదులుగా మార్కుల రూపంలో ప్రకటించిన విషయం తెలిసిందే. రెగ్యులర్‌ పరీక్షల్లో మొత్తం 6,21,799 మంది హాజరుకాగా 414281 మంది ఉత్తీర్ణత సాధించారు.