SSC CGL 2018 'టైర్-1' తుది ఆన్సర్ 'కీ' విడుదల

కంబైన్డ్ గ్రాడ్యుయేట్ లెవల్-2018 'టైర్-1' పరీక్ష తుది ఆన్సర్ కీని స్టాఫ్ సెలక్షన్ కమిషన్ విడుదల చేసింది. అధికారిక వెబ్‌సైట్‌లో ఆన్సర్ కీని అందుబాటులో ఉంచింది. స్టాఫ్ సెలక్షన్ కమిషన్ ఆగస్టు 20న సీజీఎల్-2018 టైర్-1 ఫలితాలను వెల్లడించిన సంగతి తెలిసిందే. అయితే పరీక్ష విధానంలో పారదర్శకత కోసం ఫైనల్ ఆన్సర్ కీతోపాటు అభ్యర్థుల ప్రశ్నపత్రాలను కూడా అందుబాటులో ఉంచింది. అభ్యర్థులు అక్టోబరు 4 వరకు వెబ్‌సైట్ నుంచి డౌన్‌లోడ్ చేసుకోవచ్చు. కాగా టైర్-1 పరీక్షలో అర్హత సాధించిన అభ్యర్థులకు స్టాప్ సెలక్షన్ కమిషన్ సెప్టెంబరు 11 నుంచి 13 వరకు టైర్-2 పరీక్ష నిర్వహించనున్నారు.

• ఫైనల్ 'కీ' కోసం క్లిక్ చేయండి..

• వెబ్‌నోట్

స్టాఫ్ సెలక్షన్ కమిషన్ జూన్ 4 నుంచి 13 వరకు దేశవ్యాప్తంగా మొత్తం 131 నగరాల్లో 362 పరీక్ష కేంద్రాల్లో సీజీఎల్ టైర్-1 పరీక్షలు నిర్వహించింది. ఈ పరీక్ష కోసం దాదాపు 25.97 లక్షల మంది అభ్యర్థులు దరఖాస్తు చేసుకోగా.. వీరిలో 8.34 లక్షల మంది మాత్రమే పరీక్షకు హాజరయ్యారు. సాంకేతిక కారణాల వల్ల కొన్ని పరీక్ష కేంద్రాల్లో జూన్ 4న పరీక్ష రాయని 4,825 మంది అభ్యర్థులకు స్టాఫ్ సెలక్షన్ కమిషన్ జూన్ 19న పరీక్ష నిర్వహించింది. జూన్ 27న ప్రాథమిక కీ విడుదల చేసింది. ఆగస్టు 20న ఫలితాలు వెల్లడించింది. తాజాగా ఫైనల్ 'కీ' విడుదల చేసింది.

Read Also: వెబ్‌సైట్‌లో 'గ్రూప్-2' ASO పరీక్ష హాల్‌టికెట్లు
'టైర్-1' పరీక్ష ముఖ్యాంశాలు..
✦ పరీక్షకు మొత్తం 25.97 లక్షల మంది దరఖాస్తు చేసుకున్నారు.
✦ దరఖాస్తు చేసుకున్న వారిలో 8.37 లక్షల మంది అభ్యర్థులు పరీక్షకు హాజరయ్యారు.
✦ మొత్తం 32.23 శాతం హాజరు నమోదైంది.
✦ మొత్తం 21 షిఫ్టుల్లో పరీక్ష నిర్వహించారు.
✦ 131 నగరాల్లో 362 కేంద్రాల్లో పరీక్ష నిర్వహించారు.
✦ ఆగస్టు 20న ఫలితాలు వెలువడనున్నాయి.
✦ టైర్-1 పరీక్షలో అర్హత సాధించిన వారికి టైర్-2 పరీక్షలు నిర్వహించనున్నారు.
✦ సెప్టెంబరు11 నుంచి 13 వరకు టైర్-2 పరీక్షలు నిర్వహించనున్నారు.
వెబ్‌సైట్