TS SSC Results 2022: తెలంగాణ 10వ తరగతి ఫలితాలు విడుదల.. రిజల్ట్‌ లింక్‌ ఇదే.. డౌన్‌లోడ్‌ చేసుకోండి

TS SSC Results 2022 Manabadi: తెలంగాణలో పదో తరగతి ఫలితాలు (Telangana 10th Results) కొద్దిసేపటి క్రితం విడుదలయ్యాయి. గురువారం ఉదయం 11.30 గంటలకు హైదరాబాద్‌లోని మర్రి చెన్నారెడ్డి మానవ వనరుల కేంద్రంలో పదో తరగతి ఫలితాలను విద్యాశాఖ మంత్రి సబితా ఇంద్రారెడ్డి, విద్యాశాఖ అధికారులు విడుదల చేశారు. మే 23 నుంచి ఈనెల 1 వరకు రాష్ట్రంలో పదో తరగతి పరీక్షలు జరిగిన విషయం తెలిసిందే.

5,09,275 మంది విద్యార్థులు పరీక్షలు రాయగా.. 90 శాతం మంది ఉత్తీర్ణత సాధించారు. తాజాగా విడుదలైన ఫలితాల్లో 97 శాతం ఉత్తీర్ణతతో సిద్ధిపేట జిల్లా టాప్‌గా నిలువగా.. 79 శాతం ఉత్తీర్ణతతో హైదరాబాద్‌ చివరిస్థానంలో నిలిచింది.

ఇక 3007 స్కూళ్లలో 100 శాతం సాధించగా.. 15 స్కూళ్లలో ఒక్కరూ పాస్‌ కాకపోవడం గమనార్హం. అలాగే.. ఈ సారి ఫలితాల్లోనూ అమ్మాయిలే హవా సాగించారు. మొత్తం ఫలితాల్లో 87.61 శాతం మంది బాలురు ఉత్తీర్ణులు కాగా.. 92.45 శాతం మంది అమ్మాయిలు ఉత్తీర్ణులయ్యారు.

ఇక ఫెయిలైన వారి కోసం ఆగస్టు 1 నుంచి అడ్వాన్స్‌డ్‌ సప్లిమెంటరీ పరీక్షలు నిర్వహించనున్నారు. త్వరలో సప్లిమెంటరీ పరీక్షలకు సంబంధించిన షెడ్యూల్‌ను విడుదల చేయనున్నారు.

పరీక్షలకు హాజరైన విద్యార్థులు : 5,03,579
ఉత్తీర్ణత సాధించినవారు : 4,53,201
ఉత్తీర్ణత శాతం : 90%
పరీక్షలకు హాజరైన బాలురు: 2,55,433
బాలురలో ఉత్తీర్ణత సాధించినవారు : 2,22,799
బాలుర ఉత్తీర్ణత శాతం : 87.61%
పరీక్షలకు హాజరైన బాలికలు: 2,48,146
బాలికల్లో ఉత్తీర్ణత సాధించినవారు : 2,29,422
బాలికల ఉత్తీర్ణత శాతం : 92.45%

2022లో పరీక్షలకు రాష్ట్ర వ్యాప్తంగా దాదాపు 5,09,275 మంది విద్యార్థులకు పరీక్షలు నిర్వహించగా వీరిలో 99 శాతం మంది పరీక్షలకు హాజరయ్యారు. కరోనా కారణంగా 2022లో పదో తరగతి పరీక్షలను 11 పేపర్ల పరీక్షకు బదులు 6 పేపర్లను మాత్రమే నిర్వహించారు. సిలబస్‌ను సైతం 30 శాతం తగ్గించి ప్రశ్నపత్రాల్లో ఛాయిస్‌ పెంచారు. విద్యార్థులు ఫలితాలను (TS 10th Results 2022) https://www.bse.telangana.gov.in/ వెబ్‌సైట్‌లో చెక్‌ చేసుకోవచ్చు. కరోనా కారణంగా రెండేళ్ల తర్వాత పరీక్షలు జరగడంతో.. TS SSC Results 2022 పై విద్యార్థుల్లో ఆసక్తి నెలకొంది.

TS SSC Results ను ఈ వెబ్‌సైట్లలో చెక్‌ చేసుకోవచ్చు:

https://www.bse.telangana.gov.in/

http://www.manabadi.co.in/