UPSC: ఇండియన్ ఫారెస్ట్ సర్వీసెస్ మెయిన్స్ ఫలితాలు వెల్లడి.. ఇక్కడ చూసుకోండి..

ఇండియన్ ఫారెస్ట్ సర్వీస్ 2019 మెయిన్స్ పరీక్ష ఫలితాలను యూనియన్ పబ్లిక్ సర్వీస్ కమిషన్ శుక్రవారం (జనవరి 17) వెల్లడించింది. మొత్తం 215 మంది అభ్యర్థులను ఇంటర్వ్యూ‌కు ఎంపికచేసింది. వీరికి ఫిబ్రవరిలో ఇంటర్వ్యూలు నిర్వహించనున్నారు. జనవరి 24 నుంచి ఇంటర్వ్యూ కాల్‌ లెటర్లు అందుబాటులో ఉండనున్నాయి. ఇక.. మెయిన్స్‌కు హాజరై, ఇంటర్వ్యూకి అర్హత సాధించని అభ్యర్థుల మార్కుల వివరాలను తుది ఫలితాలు వెల్లడించిన పదిహేను రోజుల్లోగా వెబ్‌సైట్‌లో ఉంచనున్నారు.

ఇంటర్వ్యూ కాల్ లెటర్ డౌన్‌లోడ్‌లో ఏమైనా సమస్యలు ఎదురైతే.. అభ్యర్థులు తక్షణమే ఫోన్, ఈ-మెయిల్ ద్వారా సంబంధిత అధికారులను సంప్రదించవచ్చు. అభ్యర్థులు ఫోన్ నెంబర్లు: 011‐23385271, 011‐23381125, 011‐23098543 ఫోన్ నెంబర్లు (లేదా) ఫ్యాక్స్ నెంబర్లు: 011‐23387310, 011‐23384472 (లేదా) ఈ-మెయిల్: skindo‐upsc@gov.in ద్వారా సంప్రదించవచ్చు.

ఫలితాల కోసం క్లిక్ చేయండి..

యూనియన్ పబ్లిక్ సర్వీస్ కమిషన్ గతేడాది డిసెంబరు 1 నుంచి 8 వరకు ఇండియన్ ఫారెస్ట్ సర్వీస్(IFS) మెయిన్స్ పరీక్షలు నిర్వహించిన సంగతి తెలిసిందే. మెయిన్స్‌ పరీక్షలోనూ అర్హత సాధించిన అభ్యర్థులకు తదనంతరం ఇంటర్వ్యూలు నిర్వహించున్నారు. ఫిబ్రవరిలో ఇంటర్వ్యూలు ఉంటాయి. ఈ నియామక ప్రక్రియ ద్వారా దాదాపు 110 పోస్టులను భర్తీ చేయనున్నారు.


Read Also: వైజాగ్ స్టీల్ ప్లాంటులో ఉద్యోగాలు.. జీతమెంతో తెలుసా?


Read More . . .

➦ మరింత ఉద్యోగ సమాచారం కోసం క్లిక్ చేయండి . .
➦ మరింత విద్యాసమాచారం కోసం క్లిక్ చేయండి . .