UPSC: ఇండియన్ ఫారెస్ట్ సర్వీస్ మెయిన్స్ ఫలితాలు వెల్లడి

ఇండియన్ ఫారెస్ట్ సర్వీస్ 2018 మెయిన్స్ ఫలితాలను యూనియన్ పబ్లిక్ సర్వీస్ కమిషన్ వెల్లడించింది. మెయిన్ ఫలితాల్లో ప్రతిభ చూపిన మొత్తం 223 మంది ఇంటర్వ్యూ‌కు అర్హత సాధించారు. వీరికి జనవరి 28 నుంచి ఇంటర్వ్యూలు నిర్వహించే అవకాశం ఉందని యూపీఎస్సీ పేర్కొంది. ఇందుకు సంబంధించిన కాల్ లెటర్లు జనవరి 10 నుంచి యూపీఎస్సీ వెబ్‌సైట్‌లో అందుబాటులో ఉంటాయని తెలిపింది. ఒకవేళ కాల్ లెటర్ పొందలేని అభ్యర్థులు తక్షణమే ఫోన్, ఈ-మెయిల్ ద్వారా సంప్రదించాలని సూచించింది. ల్యాండ్ లైన్ 011‐23385271, 011‐23381125, 011‐23098543 లేదా ఫ్యాక్స్ 011‐23387310, 011‐23384472 లేదా ఈ-మెయిల్ skindo‐upsc@gov.inకి మెయిల్ చేయాలని తెలియజేసింది.

ఇక, మెయిన్స్‌కు హాజరై, ఇంటర్వ్యూకి అర్హత సాధించని అభ్యర్థుల మార్కుల వివరాలను తుది ఫలితాలు వెల్లడించిన పదిహేను రోజుల్లోగా వెబ్‌సైట్‌లో ఉంచుతామని స్పష్టం చేసింది. ఐఎఫ్‌ఎస్ -2018 నోటిఫికేషన్ కింద మొత్తం 110 పోస్టులను భర్తీచేయనున్నారు. వీటిలోనూ రూల్ ఆఫ్ రిజర్వేషన్లు పాటిస్తారు. డిసెంబర్ 2 నుంచి 10 వరకు మెయిన్ పరీక్షలను నిర్వహించారు. పరీక్షలు ముగిసిన 20 రోజుల్లోనే ఫలితాలను వెల్లడించింది.

ఇంటర్వ్యూ వేదిక: Office of the Union Public Service Commission,
holpur House, Shahjahan Road,
New Delhi-110069.
ఫలితాల కోసం క్లిక్ చేయండి: యూపీఎస్సీ ఐఎఫ్ఎస్ రిజల్ట్