AP: పాలిటెక్నిక్‌ అమ్మాయిలకు గుడ్‌న్యూస్‌.. ఉచిత శిక్షణతో పాటు ఉద్యోగం.. దరఖాస్తుకు ఈ నెల 21 ఆఖరు..!

ఆంధ్రప్రదేశ్‌ నైపుణ్యాభివృద్ధి సంస్థ పాలిటెక్నిక్‌ విద్యార్థినులకు సువర్ణావకాశం కల్పిస్తోంది. పాలిటెక్నిక్ చదివిన విద్యార్థినులకు నైపుణ్య శిక్షణ ఇవ్వడంతో పాటు శ్రీసిటీ లోని ఆల్‌స్టామ్ సంస్థలో ఉద్యోగ అవకాశాలు కల్పన చేస్తున్నట్లు స్కిల్ డెవలప్‌మెంట్ మేనేజింగ్ డెరైక్టర్ అర్జా శ్రీకాంత్ ఓ ప్రకటనలో తెలిపారు.

ఈ ప్రోగ్రామ్‌కు 2019లో ఎలక్ట్రికల్ డిప్లొమా లేదా ఎలక్ట్రానిక్స్ డిప్లొమా పూర్తి చేసినవారు దరఖాస్తు చేసుకోవాలని సూచించారు. ఎంపికైన వారికి ఉచిత వసతితో పాటు శిక్షణ ఇవ్వనున్నట్లు పేర్కొన్నారు. ఆసక్తిగల అభ్యర్థులు ఈ నెల 21లోపు తమ పేర్లను నమోదు చేసుకోవాలని సూచించారు. మొత్తం 30 పోస్టులు ఖాళీగా ఉన్నాయని చెప్పారు. వివరాలకు http://engineering.apssdc.in/siemenPlacements/ వెబ్‌సైట్‌ను సంప్రదించాలని సూచించారు.

Must read: మైనారిటీ బాలికలకు స్కాలర్‌షిప్‌లు.. 9, 10 బాలికలకు నెలకు రూ. 5వేలు.. ఇంటర్‌ వాళ్లకు రూ.6 వేలు

దరఖాస్తులను జిల్లాల నైపుణ్యాభివృద్ధి సంస్థ అధికారులు పరిశీలించి.. తగిన అర్హతలున్న వారిని నెల్లూరు జిల్లా తడ వద్దనున్న శ్రీ సిటీలో నైపుణ్య శిక్షణకు ఎంపిక చేస్తారని తెలిపారు. శిక్షణ పూర్తి చేసుకున్న వారికి స్కిల్ డెవలప్‌మెంట్ సంస్థ, ఆల్‌స్టామ్ సంస్థ సర్టిఫికెట్లు ఇస్తాయని తెలిపారు.

శిక్షణలో మెరుగైన ప్రతిభ చూపిన వారికి కంపెనీ అవసరాలకు అనుగుణంగా ఆల్‌స్టామ్‌ సంస్థలో ఉద్యోగ అవకాశాలు కల్పిస్తామని పేర్కొన్నారు. ఎంపికైన వారికి ఏడాదికి రూ.3 లక్షల జీతం ఉంటుందని తెలిపారు.

Also read: బీఈ/బీటెక్ వాళ్లకు‌ బెల్‌ సంస్థలో 56 జాబ్స్‌.. రాత పరీక్ష లేదు..!