Telangana Police Jobs: పోలీస్ ఉద్యోగాలకు ప్రిపేరవుతున్న వారికి ఉచిత కోచింగ్.. ఇలా రిజిస్టర్ చేసుకోండి

Telangana Police Jobs: తెలంగాణలోని నిరుద్యోగులకు గుడ్‌న్యూస్‌. పోలీస్ జాబ్స్ (Telangana Police Jobs) కు ప్రిపేర్ అయ్యే అభ్యర్థులకు సైబరాబాద్ పోలీసులు (Cyberabad Police) శుభవార్త చెప్పారు. వీరికి ఉచితంగా కోచింగ్ ఇవ్వనున్నట్లు ప్రకటించారు. ఇటీవల తెలంగాణలో 80,039 ఉద్యోగ ఖాళీలను భర్తీ చేయనున్నట్లు అసెంబ్లీ వేదికగా సీఎం కేసీఆర్ ప్రకటించిన విషయం తెలిసిందే.

ఈ ఖాళీల భర్తీకి సంబంధించి త్వరలోనే నోటిఫికేషన్లు విడుదలయ్యే అవకాశం ఉంది. అయితే.. ఈ 80,039 ఖాళీల్లో అత్యధికంగా పోలీస్ శాఖలో 18,334 ఖాళీలు ఉన్నట్లు ప్రభుత్వం ప్రకటించింది. ఈ ఖాళీలకు లక్షలాది మంది నిరుద్యోగులు పోటీ పడుతూ ఉంటారు. అయితే.. చాలా మంది పేద వర్గాలకు చెందిన అభ్యర్థులు కోచింగ్ తీసుకునే స్తోమత లేక ఇబ్బంది పడుతూ ఉంటారు.

JNTUH: హైదరాబాద్‌ జేఎన్‌టీయూలో మెగా జాబ్‌మేళా.. 150 కంపెనీలు.. 1000 ఉద్యోగాల భర్తీ.. రిజిస్ట్రేషన్‌ లింక్‌ ఇదే
అలాంటి వారికి సైబరాబాద్ పోలీసులు గుడ్‌న్యూస్‌ చెప్పారు. శంషాబాద్ జోన్‌కు చెందిన అర్హులైన నిరుద్యోగులకు పోలీసు ఉద్యోగాలకు ఉచితంగా శిక్షణ ఇవ్వనున్నట్లు ప్రకటించారు. శంషాబాద్ డిప్యూటీ కమిషనర్ ఆఫ్ పోలీస్ ఆధ్వర్యంలో ఈ శిక్షణ ఉంటుందని వెల్లడించారు. అనుభవం కలిగిన నిపుణులతో అవుట్ డోర్, ఇండోర్ ఫ్యాకల్టీతో ఫ్రీగా శిక్షణ ఇవ్వనున్నట్లు వెల్లడించారు.

ఈనెల 14 నుంచి అప్లయ్‌ చేసుకోవచ్చు:
అర్హత, ఆసక్తి కలిగిన అభ్యర్థులు శంషాబాద్ డిప్యూటీ కమిషనర్ ఆఫ్ పోలీస్ కార్యాలయంలో ఈ నెల 14వ తేదీ నుండి నమోదు చేసుకోవాలని సైబరాబాద్ కమిషనరేట్ కార్యాలయం వెల్లడించింది. అయితే అభ్యర్థులు ఇంటర్ పాసై ఉండాలి.. అలాగే 18 ఏళ్లకు పైగా వయస్సు కలిగి ఉండాలి. పూర్తి వివరాలను కింది ప్రకటనలో చూడొచ్చు.

ప్రకటన: