TSPSC Group 4 Exam Pattern : తెలంగాణ గ్రూప్‌ 4 పరీక్ష విధానం, సిలబస్‌, సెక్షన్‌ల వారీగా చదవాల్సిన టాపిక్స్‌ ఇవే
TSPSC Group 4 Notification 2022 : TSPSC 9,168 గ్రూప్‌-4 పోస్టుల భర్తీకి నోటిఫికేషన్‌ విడుదల చేసింది. డిసెంబర్‌ 23 నుంచి జనవరి 12 వరకు దరఖాస్తులు స్వీకరించనున్నట్లు తెలిపింది.
Authored byకిషోర్‌ రెడ్డి | Samayam Telugu19 Dec 2022, 12:23 pm
TSPSC Group 4 Notification 2022 : తెలంగాణ ప్రభుత్వం ఉద్యోగాల భర్తీ ప్రక్రియ వేగవంతం చేసింది. TSPSC ద్వారా దాదాపు 9,168 గ్రూప్‌-4 పోస్టుల భర్తీకి నోటిఫికేషన్‌ విడుదల చేసింది. డిసెంబర్‌ 23 నుంచి జనవరి 12 వరకు దరఖాస్తులు స్వీకరించనున్నట్లు తెలిపింది. జూనియర్ అసిస్టెంట్, జూనియర్ అకౌంటెంట్‌, జూనియర్ ఆడిటర్‌ అండ్‌ వార్డ్‌ ఆఫీసర్‌ తదితర పోస్టులను భర్తీ చేయనున్నది. ఏప్రిల్ లేదా మే నెలలో పరీక్షలు నిర్వహించనున్నట్లు ప్రకటించింది. ఇటీవల 9,168 పోస్టుల భర్తీకి ఆర్థిక శాఖ అనుమతులు జారీ చేసిన విషయం తెలిసిందే.
Samayam Telugu
టీఎస్‌పీఎస్సీ ద్వారా భర్తీ చేయనున్న TSPSC Group 4 ఉద్యోగాల్లో ముఖ్యంగా 3 కేటగిరీలకు సంబంధించిన పోస్టులున్నాయి. వీటిలో అత్యధికంగా మున్సిపల్ శాఖలో జూనియర్ అసిస్టెంట్ పోస్టులు 6,859 ఉన్నాయి. ఉన్నత విద్యా శాఖలో 742, బీసీ వెల్ఫేర్ 307, హోం శాఖ 133, పంచాయతీ రాజ్ 1245, రెవెన్యూ శాఖ 2,077 పోస్టులున్నాయి. వచ్చే ఏడాది ఏప్రిల్ లేదా మే నెలలో TSPSC Group 4 రాత పరీక్ష ఉంటుందని TSPSC సెక్రెటరీ అనితా రామచంద్రన్ వెల్లడించారు.
పరీక్ష రెండు భాగాలుగా ఉంటుంది. పేపర్‌ 1, పేపర్‌ 2గా రాయాల్సి ఉంటుంది. మొత్తం 300 మార్కులకు ఎగ్జామ్‌ ఉంటుంది.
మొదట పేపర్‌–1 (మార్కులు 150) : పేపర్‌ 1 మొత్తం 150 మార్కులకు ఉంటుంది. ఇందులో గరిష్ట మార్కులు సాధించే దిశగా లక్ష్యం పెట్టుకోండి. పేపర్‌–1లో.. జనరల్‌ నాలెడ్జ్, వర్తమాన వ్యవహారాలు, అంతర్జాతీయ సంబంధాలు, సంఘటనలు, నిత్య జీవితంలో సామాన్యశాస్త్రం, పర్యావరణ సమస్యలు, విపత్తుల నిర్వహణ, భారతదేశ, తెలంగాణ రాష్ట్ర ఆర్థిక, భౌగోళిక అంశాలు, భారత రాజ్యాంగం - ప్రధాన లక్షణాలు, భారత రాజకీయ వ్యవస్థ, ప్రభుత్వం జాతీయోద్యమంపై ప్రత్యేక దష్టితో ఆధునిక భారతదేశ చరిత్ర, తెలంగాణ చరిత్ర, ప్రత్యేక రాష్ట్ర ఉద్యమం, తెలంగాణ సాంఘిక, సాంస్కతిక, వారసత్వ అంశాలు, కళలు, సాహిత్యం, తెలంగాణ రాష్ట్ర విధానాలు వీటిపై ప్రశ్నలుంటాయి.
పేపర్‌ –2 (మార్కులు 150) : పేపర్‌ – 2 కూడా 150 మార్కులకు ఉంటుంది. ఇందులో పాలనా సామర్థ్యాలు (సెక్రటేరియల్‌ ఎబిలిటీస్‌), మెంటల్‌ ఎబిలిటీస్‌ (వెర్బల్, నాన్‌ వెర్బల్), లాజికల్‌ రీజనింగ్, కాంప్రహెన్షన్, రీ–అరేంజ్‌మెంట్‌ ఆఫ్‌ సెంటెన్సెస్‌ విత్‌ ఎ వ్యూ టు ఇంప్రూవింగ్‌ ఎనాలసిస్‌ ఆఫ్‌ ఎ పాసేజ్, న్యూమరికల్, అర్థమెటికల్‌ ఎబిలిటీస్‌పై ప్రశ్నలుంటాయి.
కిషోర్‌ రెడ్డి డైనమిక్ రైటర్, డిజిటల్ మీడియా ప్రొఫెషనల్. ఈ రంగంలో 6.8 సంవత్సరాల అనుభవం ఉంది. అతను డిజిటల్ మీడియాలో తన ప్రస్థానం ప్రారంభించినప్పటి నుంచి రాజకీయ, సినిమా, విద్య, ఉద్యోగాలు సహా అనేక విభాగాలను నిర్వహించడంలో గణనీయమైన నైపుణ్యాన్ని పొందారు.
రాయడంలో అతనికున్న అభిరుచి, కరెంట్ అఫైర్స్‌పై లోతైన జ్ఞానంతో కిషోర్‌ ఈ పరిశ్రమలో తనకంటూ ఒక పేరు తెచ్చుకున్నారు. విభిన్న విభాగాలలోని పాఠకులకు ఆకర్షణీయమైన సందేశాత్మక కంటెంట్‌ను రూపొందించారు. ప్రస్తుతం అతను పనిచేస్తున్న విభాగంలో.. 4.5 ఏళ్లుగా నిర్దిష్ట విభాగాన్ని నిర్వహిస్తున్నారు. అతను వ్యూవర్స్‌కు నచ్చే అత్యంత నాణ్యమైన కంటెంట్‌ను స్థిరంగా అందిస్తున్నారు.
కిషోర్‌ ఖాళీగా ఉన్నప్పుడు పుస్తకాలు చదవడం, ప్రముఖుల ఇంటర్వ్యూలు చూడటం వంటివి చేస్తుంటారు. ఈ పనులు తనను రిలాక్స్ చేస్తాయని, క్రియేటివిటీని రీఛార్జ్‌ చేస్తాయని అతను నమ్ముతున్నాడు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
