Wipro Elite NTH 2022: బీటెక్‌ చదివి ఉద్యోగ వేటలో ఉన్నారా..? అయితే.. విప్రో కల్పిస్తున్న ఈ అవకాశం మీకోసమే.. నెల‌కు రూ.29,000 జీతం

Wipro Elite National Talent Hunt 2022: ప్ర‌ముఖ ఐటీ కంపెనీ విప్రో (Wipro) ఫ్రెష‌ర్స్‌కు గుడ్ న్యూస్ చెప్పింది. ఎలైట్ నేషనల్ టాలెంట్ హంట్ (Wipro Elite National Talent Hunt) ప్రాజెక్ట్‌ ఇంజినీర్‌ పేరుతో గ్రాడ్యుయేట్‌ల‌ను నియమించుకుంటోంది. ఈ ప్రొగ్రాం ద్వారా 2021, 2022 ఇంజ‌నీరింగ్ పాసైన విద్యార్థులంతా అర్హులేన‌ని పేర్కొంది. ఫైన‌ల్ ఇయ‌ర్ విద్యార్థులు కూడా ద‌ర‌ఖాస్తు చేసుకోవ‌చ్చు.ఈ ఉద్యోగాలకు ఎంపికైన అభ్య‌ర్థుల‌కు ఏడాదికి రూ.3.5ల‌క్ష‌ల వేత‌నం ఉంటుంది. అంతే కాకుండా ఒక ఏడాది అగ్రిమెంట్ బాండ్ ఉంటుంది. ఎంపికైన వారు 2022-23 సంవత్సరంలో ఉద్యోగాల్లో చేరాల్సి ఉంటుంది. ఈ ప్రోగ్రామ్‌కు సంబంధించి మే 2 వ తేదీ నుంచి దరఖాస్తు ప్రక్రియ ప్రారంభమవుతుంది. ఈ ప‌రీక్ష‌కు ద‌ర‌ఖాస్తు చేసుకోవడానికి మే 22, 2022 వ‌ర‌కు అవ‌కాశం ఉంది. ఆన్‌లైన్‌ అసెస్‌మెంట్‌ మే 21 నుంచి జూన్‌ 5వ తేదీ వరకు ఉంటుంది. పూర్తి వివ‌రాలకు లింక్‌పై క్లిక్‌ చేయాలి.

TSLPRB Jobs 2022: తెలంగాణలో మరో 677 ప్ర‌భుత్వ ఉద్యోగాల‌కు నోటిఫికేషన్.. అర్హతలు, విభాగాల వారీగా ఖాళీల వివరాలివే
ప్రధాన అర్హతలివే:

• 2021, 2022లో గ్రాడ్యుయేట్ చేసి ఉండాలి.
• బీటెక్‌, బీఈ లేదా ఎంటెక్/ఎంఈ చేసి ఉండాలి.
• ప‌ది, ఇంట‌ర్ ఫుల్ టైం కోర్సులు చ‌దివి ఉండాలి.
• ప‌దిలో, ఇంట‌ర్‌లో 60శాతం కంటే ఎక్కువ మార్కులు ఉండాలి.
• ఇంజినీరింగ్‌లో 60 శాతం మార్కులు లేదా 6.0 సీజీపీఏ వ‌చ్చి ఉండాలి.
• ఎంపిక సమ‌యానికి ఒక స‌బ్జెక్ట్ బ్యాక్ లాగ్ ఉన్నా ఆఫ‌ర్ లెట‌ర్ ఇస్తారు.
• మూడేళ్ల కన్నా ఎక్కువ ఎడ్యుకేష‌న్ గ్యాప్ ఉండ‌కూడ‌దు.
• ఆరునెలల వ్య‌వ‌ధిలో ఎటువంటి విప్రో ప‌రీక్ష‌లు రాసి ఉండ‌కూడ‌దు.

ఆన్‌లైన్ ప‌రీక్ష విధానం:
ఈ ఆన్‌లైన్ అసెస్‌మెంట్‌ పరీక్షలో మూడు సెక్షన్స్ ఉంటాయి. మొత్తం 128 నిమిషాలు ఆన్‌లైన్ అసెస్‌మెంట్ ఉంటుంది. ఇందులో ఆప్టిట్యూడ్‌ టెస్ట్ ఫర్ లాజికల్ ఎబిలిటీ, క్వాంటిటేటీవ్ ఎబిలిటీ, ఇంగ్లీష్ (వర్బల్) ఎబిలిటీకి 48 నిమిషాలు ఉంటుంది. ఎస్సే రైటింగ్ 20 నిమిషాలు, ఆన్‌లైన్ ప్రోగ్రామింగ్ టెస్ట్ ఫీచరింగ్ 60 నిమిషాలు ఉంటుంది. కోడింగ్‌లో రెండు ప్రోగ్రామ్స్‌కు సంబంధించినవి ఉంటాయి.

రిజిస్ట్రేష‌న్ విధానం:

• మొదట అధికారిక వెబ్‌సైట్ లింక్‌ పై క్లిక్‌ చేయాలి.
• అనంత‌రం Register now ఆప్ష‌న్‌పై క్లిక్ చేయాలి.
• కొత్త వెబ్ పేజీలో Elite National Talent Hunt అప్లికేష‌న్ ఫాం ఓపెన్ అవుతుంది.
• ఇన్‌స్ట్ర‌క్ష‌న్‌లు పూర్తిగా చ‌దివి Apply Know ఆప్షన్‌పై క్లిక్ చేసి దరఖాస్తు ఫామ్‌ను తప్పులు లేకుండా నింపి సబ్‌మిట్‌ చేయాలి.