‘ఆ పార్టీ గుర్తులు మార్చలేం.. జగన్ బెయిల్ రద్దు మా పరిధిలో లేదు’

వైసీపీ అధినేత జగన్ బెయిల్ రద్దు తమ పరిధిలో లేదని, ఆయన కోర్టును ఆశ్రయించాలని రాష్ట్ర ఎన్నికల ప్రధాన అధికారి జీకే ద్వివేది తెలిపారు. గురువారం ఆయన విలేకరులతో మాట్లాడుతూ.. ఏపీలోని శాంతిభద్రతలపై మాట్లాడారు. ఎస్పీల బదిలీలకు కారణాలు చూపాల్సిన అవసరం లేదని, సాధారణ రోజుల్లో బదిలీ జరిగినా ప్రభుత్వం కారణం చెప్పదన్నారు.

బదిలీలు, సస్పెన్షన్లవి ఉద్యోగులకు అవి శిక్ష కాదనే విషయాన్ని గుర్తించాలన్నారు. ఐపీఎస్‌లను బదిలీ చేసింది కేంద్ర ఎన్నికల సంఘమయితే తనకు లేఖ రాసి ప్రయోజనం ఏమిటని ప్రశ్నించారు. ఐటీ గ్రిడ్స్‌ కేసులో సిట్‌ అధికారులు అడిగిన ప్రశ్నలన్నింటికీ వివరణ ఇచ్చామన్నారు. రాష్ట్రంలో వేలాది మందిపై బైండోవర్‌ కేసులు పెట్టామని తెలిపారు. ప్రజాశాంతి పార్టీ అధ్యక్షుడు కేఏ పాల్‌కు భద్రత పెంచాలని పోలీసులకు సూచించామన్నారు. ప్రస్తుతం ఎన్నికల గుర్తులు మార్చడం వీలుకాదన్నారు.