ఏపీ సీఎం చంద్రబాబు నాయుడి తనయుడు, మంగళగిరి టీడీపీ అభ్యర్థి నారా లోకేశ్ మళ్లీ తడబడ్డారు. ఆదివారం మంగళగిరి నియోజకవర్గంలో ప్రచారంలో కేసీఆర్‌ను విమర్శించే క్రమంలో లోకేశ్ తప్పులో కాలేశారు. ‘కేసీఆర్ ఏపీకి వస్తున్నారంటే కారణాలు రెండే రెండు. ఆయన పోలవరం ప్రాజెక్టును ఆపాలని చూస్తున్నారు. ముంపు మండలాలను మళ్లీ వెనక్కి తీసుకోవడానికి ప్రయత్నిస్తున్నారు. అంతే కాదు ఇక్కడున్న మచిలీపట్నం పోర్టును తెలంగాణకు తీసుకెళ్లడానికి కేసీఆర్ అహర్నిశలు కష్టపడుతున్నార’ని లోకేశ్ వ్యాఖ్యానించారు.
నారా లోకేశ్ ఇలా తడబాటుకు గురవడం ఇదే తొలిసారి కాదు. ఇటీవల వివేకానంద హత్య విషయమై మాట్లాడుతూ.. పరశించాం అన్న లోకేశ్.. ఏప్రిల్ 9న టీడీపీకి ఓటేయ్యండంటూ మరోసారి టంగ్ స్లిప్ అయ్యారు. ప్రతీ గ్రామానికి తాగునీటి సమస్య లేకుండా చేస్తామని చెప్పడానికి బదులు.. తాగునీరు లేని సమస్యను ఏర్పాటు చేస్తామని వ్యాఖ్యానించారు. లోకేశ్ వ్యాఖ్యలను వైసీపీ తమకు అనుకూలంగా మలుచుకుంటోంది.
నారా లోకేశ్ ఇలా తడబాటుకు గురవడం ఇదే తొలిసారి కాదు. ఇటీవల వివేకానంద హత్య విషయమై మాట్లాడుతూ.. పరశించాం అన్న లోకేశ్.. ఏప్రిల్ 9న టీడీపీకి ఓటేయ్యండంటూ మరోసారి టంగ్ స్లిప్ అయ్యారు. ప్రతీ గ్రామానికి తాగునీటి సమస్య లేకుండా చేస్తామని చెప్పడానికి బదులు.. తాగునీరు లేని సమస్యను ఏర్పాటు చేస్తామని వ్యాఖ్యానించారు. లోకేశ్ వ్యాఖ్యలను వైసీపీ తమకు అనుకూలంగా మలుచుకుంటోంది.