ఓటేసి.. కన్నుమూసిన వృద్ధుడు

పశ్చిమ గోదావరి జిల్లాలో ఓ వృద్ధుడు తన ఓటేసి మృతిచెందాడు. బంగారు ముసలయ్య అనే వృద్ధుడు దువ్వలోని బూత్ నెంబర్ 15లో ఓటేశాడు. అనంతరం అక్కడికక్కడే కుప్పకూలాడు. స్థానికులు ఆసుపత్రికి తరలించే లోపే అతడు కన్నుమూశాడు. ఉదయం నుంచి ఎండలో క్యూలైన్లో నిలబడటం వల్లే ఆయన మృతి చెందాడని స్థానికులు తెలిపారు.

విశాఖపట్నం జిల్లాలో కూడా ఓ వృద్ధుడు ఓటేయడానికి వెళ్లి చనిపోయాడు. కరెడ్ల సన్యాశిరావు(65) రావికమతం మండలం కొత్తకోటలో ఓటేసేందుకు వెళ్తూ ఎండకు సొమ్మసిల్లి మృతిచెందారు.