Karnataka Elections: వరుణ నియోజకవర్గం నుంచి కాంగ్రెస్ అభ్యర్థిగా సిద్ధరామయ్య నామినేషన్ దాఖలు చేశారు. నామినేషన్ పత్రాలు సమర్పించే ముందు సిద్ధరామయ్య తన స్వగ్రామమైన హుండీలోని సిద్ధరామేశ్వరాలయం, శ్రీరామ మందిరాన్ని సందర్శించి ప్రత్యేక పూజలు చేశారు. అనంతరం చాముండి కొండకు వెళ్లి పూజలు చేసి.. తల్లి చాముండేశ్వరి ఆశీస్సులు పొందారు. ఆ తర్వాత ఏర్పాటు చేసిన సభలో Siddaramaiah కీలక వ్యాఖ్యలు చేశారు. సెంటిమెంట్ పండించే ప్రయత్నం చేశారు.
రామనగరలో పుట్టి.. బెంగళూరు నగరంలో రాజకీయ నాయకుడిగా ఎదిగిన వి.సోమన్నను.. బీజేపీ బలవంతంగా వరుణలోకి తీసుకొచ్చిందని సిద్ధరామయ్య ఆరోపించారు. ఈ ఎన్నికల్లో అల్లరిమూకలకు.. వరుణ ఇంటి బిడ్డకు మధ్య యుద్ధం జరుగుతోందని వ్యాఖ్యానించారు. డబ్బు కోసం తనను ప్రజలు విడిచిపెట్టబోరని సిద్ధరామయ్య స్పష్టం చేశారు. బీజేపీ మళ్లీ అధికారంలోకి వస్తే.. ఊపిరి పీల్చుకోవడం కూడా కష్టంగా మారొచ్చని విమర్శలు గుప్పించారు. ప్రస్తుత పాలన చూస్తే.. ఇలాగే ఉందన్నారు.
'ఈ అవినీతి ప్రభుత్వాన్ని గద్దె దించి.. అభివృద్ధి, ప్రజానుకూలమైన కాంగ్రెస్ ప్రభుత్వాన్ని ఏర్పాటు చేయాలి. అది ఓటర్ల చేతుల్లోనే ఉంది. దేశాభివృద్ధికి కాంగ్రెస్ కట్టుబడి ఉంది. కాంగ్రెస్ అధికారంలోకి రాగానే.. అన్ని హామీలను అమలు చేస్తాం. కర్ణాటక ప్రజలు ఆలోచించి ఓటు వేయాలి. ఈసారి బీజేపీ ప్రభుత్వం అధికారంలోకి వస్తే.. కర్ణాటక రాష్ట్రం వెనక్కి వెళ్లడం ఖాయం. కాంగ్రెస్ అధికారంలోకి వస్తే.. రాష్ట్రంలోని అన్ని వర్గాల ప్రజలు ఆనందంగా ఉంటారు' అని సిద్ధరామయ్య వివరించారు.
రామనగరలో పుట్టి.. బెంగళూరు నగరంలో రాజకీయ నాయకుడిగా ఎదిగిన వి.సోమన్నను.. బీజేపీ బలవంతంగా వరుణలోకి తీసుకొచ్చిందని సిద్ధరామయ్య ఆరోపించారు. ఈ ఎన్నికల్లో అల్లరిమూకలకు.. వరుణ ఇంటి బిడ్డకు మధ్య యుద్ధం జరుగుతోందని వ్యాఖ్యానించారు. డబ్బు కోసం తనను ప్రజలు విడిచిపెట్టబోరని సిద్ధరామయ్య స్పష్టం చేశారు. బీజేపీ మళ్లీ అధికారంలోకి వస్తే.. ఊపిరి పీల్చుకోవడం కూడా కష్టంగా మారొచ్చని విమర్శలు గుప్పించారు. ప్రస్తుత పాలన చూస్తే.. ఇలాగే ఉందన్నారు.
'ఈ అవినీతి ప్రభుత్వాన్ని గద్దె దించి.. అభివృద్ధి, ప్రజానుకూలమైన కాంగ్రెస్ ప్రభుత్వాన్ని ఏర్పాటు చేయాలి. అది ఓటర్ల చేతుల్లోనే ఉంది. దేశాభివృద్ధికి కాంగ్రెస్ కట్టుబడి ఉంది. కాంగ్రెస్ అధికారంలోకి రాగానే.. అన్ని హామీలను అమలు చేస్తాం. కర్ణాటక ప్రజలు ఆలోచించి ఓటు వేయాలి. ఈసారి బీజేపీ ప్రభుత్వం అధికారంలోకి వస్తే.. కర్ణాటక రాష్ట్రం వెనక్కి వెళ్లడం ఖాయం. కాంగ్రెస్ అధికారంలోకి వస్తే.. రాష్ట్రంలోని అన్ని వర్గాల ప్రజలు ఆనందంగా ఉంటారు' అని సిద్ధరామయ్య వివరించారు.