Telangana Election Results: తొందరెందుకు.. 11 వరకు ఆగండి - అసదుద్దీన్ ఒవైసీ

ముందస్తు ఎన్నికలకు వెళ్తున్న రోజు నుంచీ తమకు 100 సీట్లు అని చెప్పిన టీఆర్ఎస్ మరోసారి అధికారం తమదేనని చెబుతోంది. సొంత పార్టీ సంఖ్యా బలంతోనే ప్రభుత్వాన్ని ఏర్పాటు చేస్తామని టీఆర్ఎస్ అధినేత కేసీఆర్, కేటీఆర్ చెబుతున్నారు. టీఆర్ఎస్ ప్రకటనలపై హైదరాబాద్ ఎంపీ, ఎంఐఎం అధినేత అసదుద్దీన్ ఒవైసీ స్పందించారు. ఫలితాలు వచ్చే వరకూ టీఆర్ఎస్ ఎదురుచూడటం ఉత్తమమని సూచించారు.

ఏ ఆధారాలు లేకుండా విజయం తమదేనని అంచనాలు వేస్తున్నారని అసదుద్దీన్ చెప్పారు. మరోవైపు తనను ప్రజా కూటమి ఆహ్వానించిందని వస్తున్న వదంతులపై స్పందించడం తనకు ఇష్టం లేదన్నారు. ఫలితాలు వచ్చే వరకు అందరూ ఎదురుచూడటం మంచిదన్నారు. కాగా, బీజేపీ తెలంగాణ అధ్యక్షుడు కె.లక్ష్మణ్ మాట్లాడుతూ ఎంఐఎం, కాంగ్రెసేతర పార్టీలతో తాము కలిసేందుకు సిద్ధమని పరోక్షంగా టీఆర్ఎస్‌తో కలవబోతున్నట్లు సంకేతాలు ఇచ్చారు.

కాగా, తమకు ఎవరి భాగస్వామ్యంతో ప్రభుత్వం ఏర్పాటు చేయాల్సిన అవసరం లేదని, స్పష్టమైన మెజార్టీతో తమ పార్టీ ప్రభుత్వాన్ని ఏర్పాటు చేస్తుందని టీఆర్‌ఎస్ అధికార ప్రతినిధి భాను ప్రసాద్ పేర్కొన్నారు.