తెలంగాణలో మద్యం దుకాణాలు బంద్!

తెలంగాణ వ్యాప్తంగా బుధవారం (డిసెంబర్ 5న) సాయంత్రం 5 గంటలకు అన్ని రాజకీయ పార్టీల ఎన్నికల ప్రచారపర్వం ముగిసింది. డిసెంబర్ 7వ తేదీన ఎన్నికలు నిర్వహించనున్న నేపథ్యంలో తెలంగాణ రాష్ట్ర వ్యాప్తంగా మద్యం విక్రయాలపై నిషేధం విధించినట్లు ఎక్సైజ్ కమిషనర్ సోమేశ్ కుమార్ తెలిపారు. 7వ తేదీ సాయంత్రం 6 గంటలవరకు మద్యం విక్రయించరాదని, అప్పటివరకూ మద్యం దుకాణాలు మూసివేయాలని ఆదేశించారు.

వైన్స్ షాపులతో పాటు బార్లు, రెస్టారెంట్లలోనూ మద్యం సరఫరా చేయవద్దని హెచ్చరించారు. నింబంధనలు ఉల్లంఘించినట్లయితే కంట్రోల్ రూమ్ టోల్‌ ఫ్రీ నంబర్ 1800-425-523కు ఫిర్యాదు చేయాలన్నారు. హైదరాబాద్ కంట్రోల్ రూమ్ నంబర్ 040-24746884కు ఫిర్యాదు చేయవచ్చు అన్నారు. ఫిర్యాదులు అందిన గంటలోపు చర్యలు తీసుకుంటామని, లైసెన్స్ రద్దయితే మాత్రం పునరుద్ధరించేంది లేదని స్పష్టం చేశారు. టాస్క్ ఫోర్స్, ఎన్‌ఫోర్స్‌మెంట్ బలగాలు, అధికారులు 24 గంటలు అందుబాటులో ఉంటారని సోమేశ్ కుమార్వివరించారు.