KCR.. ఆల్ ది బెస్ట్: ప్రధాని మోదీ

తెలంగాణ రాష్ట్ర ముఖ్యమంత్రిగా టీఆర్ఎస్ అధినేత కె.చంద్రశేఖర్‌రావు (కేసీఆర్) ప్రమాణ స్వీకారం చేసిన విషయం తెలిసిందే. 2014లో తొలిసారి ముఖ్యమంత్రిగా ప్రమాణం చేసిన కేసీఆర్.. నేడు (డిసెంబర్ 13న) రెండోసారి సీఎంగా ప్రమాణం చేశారు. ముఖ్యమంత్రిగా ప్రమాణ స్వీకారం చేసిన టీఆర్ఎస్ అధినేత కేసీఆర్‌కు ప్రధాని నరేంద్ర మోదీ శుభాకాంక్షలు తెలిపారు. పదవీకాలంలో కేసీఆర్ పరిపాలన సజావుగా సాగాలని ఆకాంక్షిస్తూ మోదీ ట్వీట్ చేశారు.


బుధవారం మధ్యాహ్నం 12.49 గంటలకు మార్గశిర పంచమి తిథిలో ఆయన సీఎంగా బాధ్యతలు చేపట్టాల్సి ఉంది. అయితే కొత్తగా ఎన్నికైన ఎమ్మెల్యేల జాబితాతో కూడిన గెజిట్‌ను ఎన్నికల సంఘం మంగళవారం జారీ చేయడానికి వీలు లేకపోవడంతో ఆయన శాసనసభాపక్షగా ఎన్నిక కావడంలో జాప్యం జరిగింది. దీంతో గులాబీ బాస్ కేసీఆర్‌తో పాటు మహమూద్ అలీ కూడా ప్రమాణ స్వీకారం చేశారు.

ముఖ్యమంత్రిగా కేసీఆర్ ప్రమాణ స్వీకారోత్సవంలో ఆయన కుటుంబసభ్యులు, టీఆర్ఎస్ నూతన ఎమ్మెల్యేలు, ఎంఐఎం అధినేత, హైదరాబాద్ ఎంపీ అసదుద్దీన్ ఒవైసీ పాల్గొన్న విషయం తెలిసిందే.