గుత్తా జ్వాల పేరు ఎప్పుడో గల్లంతైంది: ఈసీ

బ్యాడ్మింటన్ ప్రముఖ క్రీడాకారిణి గుత్తా జ్వాల పేరు ఓటర్ల జాబితాలో గల్లంతైన విషయం తెలిసిందే. శుక్రవారం ఉదయం ఓటు హక్కు వినియోగించుకోవడానికి హైదరాబాద్‌లోని బంజారాహిల్స్ పోలింగ్ కేంద్రానికి వెళ్లగా.. ఓటర్ల జాబితాలో పేరు లేకపోవడంతో షాకయ్యారు. ఎన్నికల ముగిసిన తర్వాత తెలంగాణ ఎన్నిక ప్రధాన అధికారి రజత్ కుమార్ మీడియాతో మాట్లాడారు.

గుత్తా జ్వాల పేరు 2015 జాబితా నుంచి గల్లంతయిందని వెల్లడించారు. క్రీడాకారిణి పేరు ఓటర్ల జాబితాలో లేకపోవడంతో సంబంధిత ఎలక్టోరల్ రిజిస్ట్రేషన్ ఆఫీసర్ (ఈఆర్వో) నుంచి నివేదిక కోరామని రజత్ వివరించారు.

కాగా, గత ఎన్నికల్లో తాను ఇక్కడే ఓటు వేశానని, ఇప్పుడు తన పేరును ఎందుకు తొలగించారో తెలియదని గుత్తా జ్వాల అసహనం వ్యక్తం చేశారు. ఓటర్ల పారదర్శకతపై ప్రశ్నించడంతో పాటు #whereismyvote అని తన బాధను వెల్లగక్కుతూ ట్వీట్ చేశారు.