Revanth Reddy: రేవంత్‌‌కు రూ. 3.76కోట్ల ఆస్తులు.. 36 కేసులు

తెలంగాణ ఎన్నికల బరిలో కొడంగల్ నుంచి పోటీ చేస్తున్న కాంగ్రెస్ వర్కింగ్ ప్రెసిడెంట్ రేవంత్ రెడ్డి నామినేషన్ దాఖలు చేశారు. నామినేషన్‌లో భాగంగా సమర్పించిన.. ఎన్నికల అఫిడవిట్‌లో తన ఆస్తులు, కేసుల వివరాలను వెల్లడించారు. తనకు రూ.1,74,97,421 స్థిరాస్తులు.. రూ.2,02,69,000 చరాస్తులు ఉన్నట్లు తెలిపారు. భార్య పేరిట రూ.2,02,69,000 చరాస్తులు.. రూ.2,36,40,000 స్థిరాస్తులు ఉన్నట్లు వెల్లడించారు. అయితే మార్కెట్ విలువ ప్రకారం తన పేరుపై రూ.7,89,69,650 ఆస్తులు.. భార్య పేరిట రూ.9,44,64,000 ఆస్తులు ఉన్నాయని అఫిడవిట్‌లో ప్రస్తావించారు.

రేవంత్‌పై కేసుల విషయానికొస్తే.. తనపై 36 కేసులు ఉన్నట్లు అఫిడవిట్‌లో తెలిపారు. వాటిలో ఓటుకు నోటు కేసు ఉన్నట్లు తెలిపారు. ఈ కేసులు ఎక్కువగా సెక్షన్ 151 కింద పెట్టినట్లు తెలుస్తోంది. అలాగే కేసీఆర్‌పై ఆరోపణలు చేసిన విషయానికి సంబందించిన కేసు కూడా ఉంది. 2014లో రేవంత్‌పై ఒక్క కేసు కూడా లేకపోగా.. ఇప్పుడు మాత్రం ఏకంగా 36 కేసులు ఉన్నాయి.