Telangana Congress: తెలంగాణలో సోనియా ఎన్నికల ప్రచార తేదీలు ఖరారు

నామినేషన్ల పర్వం ముగియగానే కాంగ్రెస్ పార్టీ ప్రచార కార్యక్రమాలు ఉపందుకోనున్నాయి. ఈ సందర్భంగా యూపీఏ ఛైర్‌పర్శన్ సోనియా గాంధీ, ఏఐసీసీ అధ్యక్షుడు రాహుల్ గాంధీ రంగంలోకి దిగనున్నారు. మరోవైపు మహాకూటమిలోని టీడీపీకి మద్దతుగా ఏపీ ముఖ్యమంత్రి చంద్రబాబు నాయుడు కూడా ప్రచారానికి సిద్ధమవుతున్నారు.

తెలంగాణ ఎన్నికల్లో మహాకూటమి తరఫున ప్రచారం చేస్తానని చంద్రబాబు నాయుడు ఇప్పటికే వెల్లడించారు. రాహుల్ గాంధీ ఇప్పటికే ఒక దఫా ప్రచారాన్ని పూర్తి చేశారు. కాంగ్రెస్ పార్టీ శనివారం తమ అభ్యర్థుల తుది జాబితాను కూడా ప్రకటించి బీ-ఫారాలు అందిచనుంది. నామినేషన్ల పర్వం ముగియగానే కాంగ్రెస్ అభ్యర్థుల ప్రచారం మొదలుకానుంది. ఈ సంద్భంగా సోనియా గాంధీ ఈ నెల 22, 23 తేదీల్లో తెలంగాణలో ప్రచారం చేస్తారని ఏఐసీసీ వర్గాలు వెల్లడించాయి. అయితే, రాహుల్‌తో కలిసి ఆమె ఈ ప్రచారంలో పాల్గొంటారా, లేదా అనేది తెలియాల్సి ఉంది.