మజ్లీస్ కాళ్ల ముందు కేసీఆర్ మోకరిల్లుతున్నారు: అమిత్ షా

తెలంగాణలో బీజేపీ అధికారంలోకి వస్తే సెప్టెంబరు 17 తెలంగాణ విమోచన దినోత్సవం జరుపుతామని తెలిపారు. కేసీఆర్ మజ్లీస్ పార్టీ కాళ్ల వద్ద తెలంగాణ స్వాభిమానాన్ని తాకట్టు పెట్టారని, ఆ పార్టీకి భయపడే విమోచన దినోత్సవాన్ని జరపడం లేదని అన్నారు. ఆదివారం మహబూబ్‌నగర్ జిల్లా నారాయణ పేటలో జరిగిన బహిరంగ సభలో ఆయన ప్రసంగించారు.

రిజర్వేషన్ల పేరుతో ముస్లింలను కేసీఆర్ మోసం చేస్తున్నారని, మతపరమైన రిజర్వేషన్లు రాజ్యంగ విరుద్ధమని తెలిపారు. తెలంగాణలో ఎవరు ముఖ్యమంత్రైనా వాళ్లు తమ కాళ్ల వద్దే ఉండాలంటూ మజ్లిస్ పార్టీ నేతలు అహంకారపూరిత వ్యాఖ్యలు చేస్తున్నారని అమిత్ షా అన్నారు. మ‌జ్లిస్ కాళ్ల ముందు కేసీఆర్ మోక‌రిల్లుతున్నార‌ని విరుచుకుప‌డ్డారు. అమరుల కుటుంబాలను ఆదుకోవడంలో కేసీఆర్ విఫలమయ్యారని, దళితుడిని ముఖ్యమంత్రి చేస్తామనే హామీని కూడా ఆయన నిలబెట్టుకోలేదని ఆరోపించారు.