Revanth Reddy: రేవంత్ నామినేషన్ వీడియో.. బాబోయ్ ఏంటా జనం!
కొడంగల్‌లో రేవంత్ రెడ్డి నామినేషన్ పర్వం అట్టహాసంగా సాగింది. కనీవిని ఎరుగని రీతిలో జనం తరలివచ్చారు. రోడ్లన్ని కిక్కిరిసిపోయాయి.
Samayam Telugu 19 Nov 2018, 7:51 pm
తెలంగాణ కాంగ్రెస్ వర్కింగ్ ప్రెసిడెంట్ రేవంత్ రెడ్డి నామినేషన్ పర్వం అట్టహాసంగా సాగింది. కాంగ్రెస్ కార్యకర్తలు, రేవంత్ అనుచరులు కనీవిని ఎరుగని రీతిలో తరలివచ్చారు. దీంతో రహదారులన్నీ కిక్కిరిపోయాయి. నామినేషన్ పర్వాన్ని చూసిన చాలా మంది ఇక రేవంత్ గెలుపు సునాయాసమే అని చర్చించుకుంటున్నారు. గతంలో సీఎం అభ్యర్థులకు కూడా ఈ స్థాయిలో జనం తరలి రాలేదని చెబుతున్నారు.
వికారాబాద్ జిల్లా కొడంగల్ నియోజకవర్గంలో కాంగ్రెస్ పార్టీ అభ్యర్థిగా రేవంత్ రెడ్డి సోమవారం (నవంబర్ 19) నామినేషన్ దాఖలు చేశారు. స్వగ్రామం కొండారెడ్డిపల్లి నుంచి సోమవారం ఉదయం కొడంగల్ చేరుకున్న ఆయన వేలాది మంది కార్యకర్తలతో ర్యాలీగా వచ్చి నామినేషన్ వేశారు.
కొడంగల్‌లోని తన నివాసం వద్ద వివిధ మండలాలు, గ్రామాల నుంచి వచ్చిన వేలాది మంది కార్యకర్తలతో రేవంత్ కాసేపు ముచ్చటించారు. తన గెలుపుపై ధీమా వ్యక్తం చేశారు. అనంతరం భారీ ర్యాలీగా కొడంగల్‌లోని ప్రధాన రహదారి మీదుగా తహసీల్దార్ కార్యాలయానికి చేరుకున్నారు. ఎన్నికల రిటర్నింగ్ అధికారి అరుణ కుమారికి నామినేషన్ పత్రాలు అందజేశారు.
రేవంత్ నామినేషన్ కార్యక్రమంలో ప్రజా కూటమి పక్షాలైన టీడీపీ, సీపీఐ పార్టీల కార్యకర్తలు, నేతలు హాజరయ్యారు. ఈ భారీ ర్యాలీతో రహదారులన్నీ కిక్కిరిసిపోయాయి. టపాసుల మోత, నినాదాలతో కార్యకర్తలు హోరెత్తించారు. తాండూరు కాంగ్రెస్ అభ్యర్థి పైలెట్ రోహిత్ రెడ్డి కూడా రేవంత్ ర్యాలీలో పాల్గొని సంఘీభావం ప్రకటించారు.
పోలీసుల భారీ బందోబస్తు..
రేవంత్ నామినేషన్ సందర్భంగా ఎలాంటి అవాంఛనీయ సంఘటనలు జరగకుండా పోలీసులు పటిష్ట బందోబస్తు ఏర్పాటు చేశారు. రేవంత్ రెడ్డితో పాటు తహసీల్దార్ కార్యాలయానికి వచ్చేందుకు కాంగ్రెస్ కార్యకర్తలు చాలా మంది ఉత్సాహం చూపారు. పోలీసులు వారిని అడ్డుకున్నారు..
వికారాబాద్ జిల్లా కొడంగల్ నియోజకవర్గంలో కాంగ్రెస్ పార్టీ అభ్యర్థిగా రేవంత్ రెడ్డి సోమవారం (నవంబర్ 19) నామినేషన్ దాఖలు చేశారు. స్వగ్రామం కొండారెడ్డిపల్లి నుంచి సోమవారం ఉదయం కొడంగల్ చేరుకున్న ఆయన వేలాది మంది కార్యకర్తలతో ర్యాలీగా వచ్చి నామినేషన్ వేశారు.
కొడంగల్‌లోని తన నివాసం వద్ద వివిధ మండలాలు, గ్రామాల నుంచి వచ్చిన వేలాది మంది కార్యకర్తలతో రేవంత్ కాసేపు ముచ్చటించారు. తన గెలుపుపై ధీమా వ్యక్తం చేశారు. అనంతరం భారీ ర్యాలీగా కొడంగల్‌లోని ప్రధాన రహదారి మీదుగా తహసీల్దార్ కార్యాలయానికి చేరుకున్నారు. ఎన్నికల రిటర్నింగ్ అధికారి అరుణ కుమారికి నామినేషన్ పత్రాలు అందజేశారు.
రేవంత్ నామినేషన్ కార్యక్రమంలో ప్రజా కూటమి పక్షాలైన టీడీపీ, సీపీఐ పార్టీల కార్యకర్తలు, నేతలు హాజరయ్యారు. ఈ భారీ ర్యాలీతో రహదారులన్నీ కిక్కిరిసిపోయాయి. టపాసుల మోత, నినాదాలతో కార్యకర్తలు హోరెత్తించారు. తాండూరు కాంగ్రెస్ అభ్యర్థి పైలెట్ రోహిత్ రెడ్డి కూడా రేవంత్ ర్యాలీలో పాల్గొని సంఘీభావం ప్రకటించారు.
పోలీసుల భారీ బందోబస్తు..
రేవంత్ నామినేషన్ సందర్భంగా ఎలాంటి అవాంఛనీయ సంఘటనలు జరగకుండా పోలీసులు పటిష్ట బందోబస్తు ఏర్పాటు చేశారు. రేవంత్ రెడ్డితో పాటు తహసీల్దార్ కార్యాలయానికి వచ్చేందుకు కాంగ్రెస్ కార్యకర్తలు చాలా మంది ఉత్సాహం చూపారు. పోలీసులు వారిని అడ్డుకున్నారు..