Chandrababu Mahakutami in Telangana: సైకిల్ ముందు చక్రం ఊడింది.. కసితో ఆంధ్రా ఓటర్లు వెయిటింగ్

దేశ వ్యాప్తంగా తీవ్ర ఉత్కంఠ కలిగించిన తెలంగాణ ఫలితాలు వెల్లడవుతున్నాయి. అధికార టీఆర్ఎస్ పార్టీ స్పష్టమైన మెజార్టీ దిశగా కారు జోరు చూపిస్తుంది. ఇప్పటి వరకూ 91 స్థానాల్లో ఆధిక్యంలో ఉండగా.. ఒక స్థానంలో గెలుపొందింది. గులాబీ గుభాళింపుతో టీఆర్ఎస్ శ్రేణులు సంబరాల్లో మునిగితేలుతుంటే.. మహాకూటమి ఢీలా పడింది.

కాగా మహాకూటమిలో కాంగ్రెస్‌తో కలిపి పోటీ చేసిన తెలుగు దేశం పార్టీపై సెటైర్లు వేశారు వైసీపీ ఎంపీ విజయసాయి రెడ్డి. ‘తెలంగాణ ప్రజానీకం తిరుగులేని తీర్పుతో సైకిల్‌కు ముందు చక్రం ఊడిపోయింది. నాయుడుబాబుకు చావుతప్పి కన్నులొట్టబోయింది. సైకిల్‌ వెనుక చక్రం కూడా పీకి చంద్రబాబు పీడను ఎంత త్వరగా ఒదిలించుకోలా అని ఆంధ్ర ప్రజలు కసిగా ఎదురుచూస్తున్నారు’ అంటూ ట్వీట్ చేశారు.

మరో ట్వీట్‌లో మనుగుతున్న చంద్రబాబు తోకపట్టుకుని ఈదటానికి ప్రయత్నించిన కాంగ్రెస్‌కి గట్టిదెబ్బే తగిలిందని తెలంగాణలో ఓడిన ప్రముఖులు జాబితా అంటూ ఆరుగురు ప్రముఖుల పేర్లను ఇచ్చారు.

తెలంగాణలో ఓడిన ప్రముఖుల జాబితా..
1. చంద్రబాబు నాయుడు
2. బాలక్రిష్ణ
3. లగడపాటి రాజగోపాల్
4. ఏబీఎన్ ఆంధ్రజ్యోతి రాధాక్రిష్ణ
5. ఈనాడు ఈటీవీ రామోజీ
6. మనుగుతున్న చంద్రబాబు తోకపట్టుకుని ఈదటానికి ప్రయత్నించిన కాంగ్రెస్.