ఫేస్‌బుక్‌లో సినిమాలు, టీవీ షోలు!

ఫేస్‌బుక్‌‌లో సినిమాలు, టీవీ షోలు.. కూడా అందుబాటులోకి రానున్నాయి. నెట్‌ఫ్లిక్స్ (Netflix), అమెజాన్ (Amazon) ప్రైమ్ వీడియో తరహాలో ఫేస్‌బుక్ వీడియోలు ప్రదర్శించేందుకు అవసరమైన ప్రయత్నాలు మొదలుపెట్టింది. ‘న్యూ వాల్ స్ట్రీట్ జర్నల్’ రిపోర్ట్ ప్రకారం.. ఫేస్‌బుక్ పలు టీవీ షోలు, మూవీల కోసం హాలీవుడ్ స్టూడియోలను సంప్రదించింది. ఇందుకు ప్రతిగా ఒక్కో ఎపిసోడ్‌కు మూడు మిలియన్ డాలర్లను ఇవ్వనుంది.

17 నుంచి 30 ఏళ్ల వయస్సు గల యువతను దృష్టిలో పెట్టుకుని పలు టీవీ షోలను అందుబాటులోకి తేనున్నట్లు తెలిసింది. వచ్చే ఏడాది వేసవి కల్లా వీటిని ప్రదర్శించే అవకాశాలున్నట్లు వాల్ స్ట్రీట్ జర్నల్ పేర్కొంది. అయితే, దీనిపై ఫేస్‌బుక్ ఇప్పటి వరకు ఎలాంటి అధికారిక ప్రకటన చేయలేదు. అయితే, గతేడాది పలు లైవ్ స్ట్రీమ్స్ కంటెంట్ కోసం కొన్ని మిలియన్ డాలర్లను వెచ్చించింది.

ఈ సినిమాలు, టీవీ షోలను ఐదు నిమిషాలు లేదా 25 నిమిషాలు చొప్పున ఎపిసోడ్స్‌గా విభజించవచ్చని తెలిసింది. వీటిని ఉచితంగా అందుబాటులోకి తెస్తుందా లేదా చెల్లింపు విధానమా అనేది కూడా ఫేస్‌బుక్ త్వరలోనే స్పష్టం చేయనుంది. ఈ మేరకు నెట్‌ఫ్లిక్స్ లేదా, అమెజాన్ ప్రైమ్ వీడియాలలో ఒకదాన్ని ఫేసుబుక్ సొంతం చేసుకునే అవకాశాలు కూడా ఉన్నాయని సమాచారం.