అశ్లీల ట్వీట్స్‌ను గుర్తించే ప్రోగ్రామింగ్ రూపకల్పన

ట్విట్టర్‌లో విద్వేషపూరిత ట్వీట్‌లను గుర్తించే డిటెక్టర్‌ను ఇంటర్నేషనల్ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ- హైదరాబాద్ అధ్యాపక, విదార్థి బృందం అభివృద్ధి చేసింది. వ్యతిరేక వాఖ్యలను గుర్తించే ఇలాంటి టూల్స్‌ అభివృద్ధి చేయడం ఇదే మొదటిది. ఐఐఐటీ హైదరాబాద్‌కు చెందిన రిసెర్చ్ అండ్ డెవలప్‌మెంట్ విభాగం డీన్, ప్రొఫెసర్ వాసుదేవ వర్మ నేతృత్వం వహించిన ఈ బృందంలో పింకేశ్ బద్జాదిత్య, శశాంక్ గుప్త అనే విద్యార్థులతోపాటు అనుబంధ అధ్యాపకుడు మనీశ్ గుప్తా కూడా పాలుపంచుకున్నారు.

మైక్రో బ్లాగింగ్ సైట్ ట్విట్టర్‌లో డీప్ లెర్నింగ్ ఫర్ హేట్ స్పీచ్ అంశంపై ఏడాది పాటు శ్రమించి సరికొత్త టూల్‌ను రూపొందించారు. అశ్లీల భాష, జాత్యాహంకార వ్యాఖ్యలు లాంటి అభ్యంతరకరమైన వాటిని ఈ విధానం గుర్తిస్తుందని పరిశోధక బృందం తెలిపింది. దీని వల్ల అభ్యంతరకర సందేశాలను అడ్డుకోడానికి ఉపయోగపడుతుందని పేర్కొన్నారు. ప్రస్తుతం విద్వేషపూరిత ప్రంసగాలను గుర్తించడానికి పర్యవేక్షిత అధ్యయనాన్ని ఉపయోగిస్తున్నారు. ముఖ్యంగా కంప్యూటర్ అల్గార్థిమ్‌లో ద్వేషపూరిత వ్యాఖ్యలు గురించి అనే ఉదహరణలను ఇచ్చామని పేర్కొన్నారు.

వాటిలో జాత్యహంకార, సెక్సీయస్ట్ ట్వీట్‌లుగా వర్గీకరించాం. విద్వేషపూరిత వ్యాఖ్యలకు అనుగుణంగా అల్గార్థిమ్‌ను ప్రామాణికరించి డేటాను విశ్లేషించాం... తర్వాత దానిని ఉపసంహరించినా జాత్యహంకార, అశ్లీల ప్రసంగాలను గుర్తించిందని ప్రొఫెసర్ వాసుదేవ వర్మ తెలిపారు. మానవ మెదడును స్ఫూర్తిగా తీసుకుని అల్గార్థిమ్‌ రూపొందించామని ఆయన పేర్కొన్నారు. సోషల్ మీడియా అత్యంత చురుకుగా ఉన్న ప్రస్తుత కాలానికి అనుగుణంగా పరిశోధన సాగించామని, అయితే అనేక సవాళ్లు, క్లిష్టమైన పరిస్థితులు ఎదురవుతున్నాయని పరిశోధకులు తెలియజేశారు.