స్వాతంత్ర్య దినోత్స‌వ స్పెష‌ల్: అర్ధ‌రాత్రి జెండా ఎగ‌రేసి

దేశం మొత్తం స్వాతంత్ర్య వేడుకలను ఆగస్టు 15న ఉదయం జ‌రుపుకుంటే…బీహార్ లోని పుర్నియా అనే ప్రాంతంలో మాత్రం ముందురోజు అర్థరాత్రే సెలబ్రేట్ చేస్తారు. పుర్నియాలోని జెండా చౌక్ లో రాత్రి 12.01 నిమిషానికే జాతీయ జెండా ఎగరవేసి వేడుకలు నిర్వహించారు. ఈ వేడుకలకు చుట్టుముట్టున్న స్థానికులంతా భారీ ఎత్తున వస్తారు.

ఈ త‌ర‌హా సంప్రదాయాన్ని స్వాతంత్య్ర సమరయోధుడు రామేశ్వర్‌ ప్రసాద్‌ ప్రారంభించారు. ఆయన చనిపోయిన తర్వాత కూడా..ఆయన వారసులు ఈ సంప్రదాయాన్ని అలాగే కొనసాగిస్తున్నారు. భారత్‌కు స్వాతంత్య్రం ప్రకటించిన వెంటనే రామేశ్వర్‌ ప్రసాద్‌ పుర్నియాలో 10 వేల మందితో కలిసి అర్ధరాత్రి జెండా వందన కార్యక్రమం చేపట్టినట్లు ఆయన వారసులు చెప్పారు. అప్పటి నుంచి ఈ వేడుకలను ఇక్కడ అర్ధరాత్రి సమయంలోనే నిర్వహిస్తున్నామని.. ఎప్పుడూ వేడుకల నిర్వహణలో విఫలం కాలేదని వారసులు చెప్పారు. ఆయన మరణానంతరం కుమార్తె సులేఖ.. ఇప్పుడు మనవడు విపుల్‌ ఈ సంప్రదాయాన్ని కొనసాగిస్తున్నారు.