రూ. 5,799కే ఇంటెక్స్ 4జీ స్మార్ట్‌ఫోన్

దేశీ ఎలక్ట్రానిక్స్ సంస్థ ఇంటెక్స్ కొత్త బడ్జెట్ స్మార్ట్‌ఫోన్‌ను మార్కెట్‌లోకి విడుదల చేసింది. ఇంటెక్స్ క్లౌడ్ స్టయిల్ 4జీ పేరుతో వచ్చిన ఈ స్మార్ట్‌ఫోన్ ధర కేవలం రూ. 5,799. బంగారు, బూడిద రంగుల్లో ఈ ఫోన్ లభిస్తోంది. ధర తక్కువైనప్పటికీ స్పెసిఫికేషన్లు మాత్రం ఆకట్టుకునేలా ఉన్నాయి. కేవలం కాల్స్, ఇంటర్నెట్ కోసం ఉపయోగించే యూజర్లకు ఈ ఫోన్ సరిపోతుంది.

5 అంగుళా హెచ్‌డీ డిస్ప్లేతో వచ్చిన ఈ స్మార్ట్‌ఫోన్ ఆండ్రాయిడ్ 6.0 మార్ష్‌మాలో ఆపరేటింగ్ సిస్టమ్‌తో పనిచేస్తుంది. 1జీబీ ర్యామ్‌ను కలిగి ఉన్న క్లైడ్ స్లయిల్ 4జీలో 1.3 గిగాహెడ్జ్ క్వాడ్‌కోర్ ప్రాసెసర్‌ను అమర్చారు. ఇంటర్నల్ మెమొరీ 8జీబీ.. మైక్రోఎస్డీతో 32జీబీ వరకు పెంచుకోవచ్చు. ఎల్ఈడీ ఫ్లాస్‌తో కూడిన 8ఎంపీ వెనుక కెమెరా, సెల్ఫీల కోసం 5ఎంపీ ఫ్రంట్ షూటర్ ఉన్నాయి. 4జీ ఎల్‌టీఈ, వైఫై, బ్లూటూత్, జీపీఎస్ సరా మామూలే. ఈ స్మార్ట్‌ఫోన్‌లో అమర్చిన 2,500 ఎంఏహెచ్ బ్యాటరీ సుమారు 10 గంటల టాక్‌టైంను అందిస్తుందని కంపెనీ చెబుతోంది.