ఐపీఎల్ పదో సీజన్ తుది దశకు చేరుకుంది. రైజింగ్ పుణె సూపర్ జెయింట్, ముంబయి ఇండియన్స్ మధ్య ఆదివారం రాత్రి ఉప్పల్లో ఫైనల్ మ్యాచ్. టోర్నీలో భాగంగా క్వాలిఫయర్-1లో ఈ రెండు జట్లు తలపడగా.. అందులో గెలిచిన పుణె నేరుగా ఫైనల్ చేరిపోగా.. ఓడిన ముంబయి మళ్లీ రెండో క్వాలిఫయర్ మ్యాచ్ ఆడి అందులో కోల్కతాని ఓడించి తుదిపోరుకు అర్హత సాధించింది. క్వాలిఫయర్-1లో నిరాశపరిచిన పుణె యువ ఓపెనర్ రాహుల్ త్రిపాఠి ఫైనల్లో మాత్రం సత్తా చాటుతానని ధీమా వ్యక్తం చేశాడు. వాంఖడేలో జరిగిన ఈ మ్యాచ్లో త్రిపాఠి తొలి ఓవర్లోనే మెక్లనగాన్ బౌలింగ్లో డకౌటయ్యాడు.
‘వరల్డ్ క్లాస్ ప్లేయర్స్తో కలిసి పుణె జట్టులో ఆడుతుండటం నిజంగా నా అదృష్టం. మహేంద్రసింగ్ ధోని, స్టీవ్స్మిత్ లాంటి మేటి ఆటగాళ్ల సలహాలు నాకెంతో ఉపకరిస్తున్నాయి. టోర్నీలో ఇప్పటి వరకు నా ప్రయాణం సంతృప్తికరంగానే సాగింది. ఇదే స్ఫూర్తితో ఫైనల్లో కూడా మెరుగైన ప్రదర్శన చేస్తాను. ఓటములతో ఢీలా పడకుండా.. మరింత కష్టపడి ముందుకు సాగాలని నేను ఎప్పుడూ గుర్తు చేసుకుంటాను. నిజానికి అపజయాలే గెలుపునకి సోపానాలు అని బలంగా నమ్మే వ్యక్తిని నేను’ అని రాహుల్ త్రిపాఠి ధీమా వ్యక్తం చేశాడు. టోర్నీలో ఇప్పటి వరకు పుణె, ముంబయి జట్లు మూడు సార్లు తలపడగా.. మూడింట్లోనూ పుణె గెలవడం విశేషం. అయితే హైదరాబాద్లోని ఉప్పల్ స్టేడియంలో బ్యాటింగ్కి ఎక్కువ అనుకూలించే నేపథ్యంలో మ్యాచ్ ఆసక్తికరంగా సాగనుంది.
‘వరల్డ్ క్లాస్ ప్లేయర్స్తో కలిసి పుణె జట్టులో ఆడుతుండటం నిజంగా నా అదృష్టం. మహేంద్రసింగ్ ధోని, స్టీవ్స్మిత్ లాంటి మేటి ఆటగాళ్ల సలహాలు నాకెంతో ఉపకరిస్తున్నాయి. టోర్నీలో ఇప్పటి వరకు నా ప్రయాణం సంతృప్తికరంగానే సాగింది. ఇదే స్ఫూర్తితో ఫైనల్లో కూడా మెరుగైన ప్రదర్శన చేస్తాను. ఓటములతో ఢీలా పడకుండా.. మరింత కష్టపడి ముందుకు సాగాలని నేను ఎప్పుడూ గుర్తు చేసుకుంటాను. నిజానికి అపజయాలే గెలుపునకి సోపానాలు అని బలంగా నమ్మే వ్యక్తిని నేను’ అని రాహుల్ త్రిపాఠి ధీమా వ్యక్తం చేశాడు. టోర్నీలో ఇప్పటి వరకు పుణె, ముంబయి జట్లు మూడు సార్లు తలపడగా.. మూడింట్లోనూ పుణె గెలవడం విశేషం. అయితే హైదరాబాద్లోని ఉప్పల్ స్టేడియంలో బ్యాటింగ్కి ఎక్కువ అనుకూలించే నేపథ్యంలో మ్యాచ్ ఆసక్తికరంగా సాగనుంది.