ISRO: చందమామనీ అందుకుంటాం!

ఒకేసారి 104 శాటిలైట్లను కక్ష్యలోకి పంపి.. ప్రపంచ రికార్డును సాధించిన భారత అంతరిక్ష పరిశోధన సంస్థ (ISRO) మున్ముందు కూడా చారిత్రాత్మక ప్రాజెక్టులను చేపట్టేందుకు సిద్ధమవుతోంది. బుధవారం PSLV C37 ప్రయోగాన్ని విజయంవంతగా పరీక్షించి భారత సత్తాను చాటిన ఇస్రో.. మంగళయాన్, చంద్రయాన్ ప్రయోగాలతోనూ తానేంటో నిరూపించుకుంది. భవిష్యత్తులో వ్యోమగాములను సైతం అంతరిక్షంలోకి పంపేందుకు అనువైన వాహక నౌకను ఇస్రో డెవలప్ చేస్తోంది. ఈ ప్రయోగం కూడా విజయవంతం కావడంతో... పూర్తిస్థాయిలో అందుబాటులోకి తెచ్చే ప్రయత్నాలు జరుగుతున్నాయి.

⦿ 1962లో కేరళాలో తుంబ రాకెట్ ప్రయోగ కేంద్రం ఏర్పాటుతో భారత్‌లో అంతరిక్ష పరిశోధనలకు బీజం పడింది.
⦿ 1979లో శ్రీహరికోట కేంద్రంగా ప్రయోగించిన తొలి శాటిలైట్ ప్రయోగం విఫలమైనా.. వెనకడుగు వేయలేదు.
⦿ పరాజయం నుంచి పాఠాలు నేర్చుకుని పాఠాలు నేర్చుకుని 1980లో రోహిణి శాటిలైట్‌ను విజయవంతంగా ప్రయోగించింది.
⦿ చంద్రయాన్ - 2 ద్వారా మరోసారి చంద్రమండలంపై ల్యాండర్‌ను దింపి పరిశోధనలు చేపట్టేందుకు లక్ష్యం నిర్దేశించుకుంది.
⦿ చంద్రుడు, అంగారుకుడి పైనే కాదు, భవిష్యత్తులో సూర్యుడిపై కూడా పరిశోధనలు చేపట్టేందుకు ఇస్రో సిద్ధంగా ఉంది.
⦿ చంద్రమండలపై భారత వ్యోమగాములు కాలు మోపే రోజులు కూడా ఎంతో దూరంలో లేవనే సంకేతాలు పంపింది.

అంతరిక్ష రంగంలో భారత్ విజయాలు, లక్ష్యాలు ఇవే...