సింగరేణిలో భారీగా ఉద్యోగాలు..! దాదాపు 2087 ఖాళీలు.. త్వరలో నోటిఫికేషన్‌

తెలంగాణలో పోటీ పరీక్షలకు సన్నద్ధమయ్యే అభ్యర్థులకు సింగరేణి కాలరీస్‌ కంపెనీ లిమిటెడ్‌(SCCL) గుడ్‌న్యూస్‌ చెప్పింది. త్వరలో దాదాపుగా 2087 ఉద్యోగాల భర్తీకి నోటిఫికేషన్‌ విడుదల చేయనున్నట్లు తాజాగా వెల్లడించింది. ఈ మొత్తం పోస్టుల్లో 2087 ఉద్యోగాల్లో 651 ఎక్స్‌టర్నల్‌ పోస్టులు, 1436 ఇంటర్నల్‌ పోస్టులు ఉన్నట్లు తెలిపింది.

ఎక్స్‌టర్నల్‌ పోస్టుల విభాగంలో దాదాపు 177 జూనియర్‌ అసిస్టెంట్‌ ఉద్యోగాలు ఉన్నాయని పేర్కొంది. ఈ జూనియర్‌ అసిస్టెంట్‌ పోస్టులకు గ్రాడ్యుయేషన్‌ చేసిన ప్రతి ఒక్కరూ అర్హులే.

పదో తరగతితో 13000 కు పైగా జాబ్స్‌.. రాత పరీక్ష లేదు
సింగరేణిలో 372 జాబ్స్‌కి పరీక్ష తేదీలు విడుదల:
సింగరేణి సంస్థలో ట్రైనీ కొలువుల భర్తీకి సంబంధించిన పరీక్ష తేదీలు వెలువడ్డాయి. ఈ పోస్టులకు ఫిబ్ర‌వ‌రి 21 నుంచి రాతపరీక్షలు జరగనున్నాయి. మొత్తం 372 పోస్టులకు ఏడు కేటగిరీల్లో 24,958 మంది అభ్యర్థులు పోటీ పడనున్నారు. రెండు రకాల పోస్టులకు మినహా మిగిలిన వాటి రాత పరీక్షల షెడ్యూల్‌ను సింగరేణి సంస్థ డైరెక్టర్‌ ఎస్‌.చంద్రశేఖర్‌ ప్రకటించారు. మొత్తం 372 పోస్టులకు సంబందించి ఇటీవల నోటిఫికేషన్‌ విడుదలైన సంగతి తెలిసిందే. దరఖాస్తు ప్రక్రియ కూడా ముగిసింది.

పోస్టుల వారీగా పరీక్ష తేదీలివే:

• టర్నర్‌, మెషినిస్ట్‌ పోస్టులకు - ఫిబ్రవరి 21
• మోటారు మెకానిక్ పోస్టులకు‌ - ఫిబ్రవరి 24
• వెల్డర్‌ పోస్టులకు - ఫిబ్రవరి 28
• ఫౌండ్రీమెన్‌/మౌల్డర్‌ పోస్టులకు - మార్చి 3
• జూనియర్‌ స్టాఫ్‌ నర్స్‌ పోస్టులకు- మార్చి 7
• ఫిట్టర్‌ పోస్టులకు- మార్చిలో
• ఎలక్ట్రీషియన్‌ పోస్టులకు - మార్చిలో