Singareni Jobs: నిరుద్యోగులకు సింగరేణి గుడ్‌న్యూస్‌.. కొత్త సంవత్సరంలో భారీ సంఖ్యలో ఉద్యోగాల భర్తీ..?

ప్రభుత్వ రంగ సంస్థ సింగరేణి (Singareni Collieries Company) నిరుద్యోగులకు గుడ్‌న్యూస్‌ చెప్పింది. కొత్త ఏడాది (New Year 2022)లో డైరెక్ట్ రిక్రూట్‌మెంట్ ద్వారా పలు ఉద్యోగాలను భర్తీ చేయనున్నట్లు పేర్కొంది. ఈ మేరకు సంస్థ అధికారులు తాజాగా కీలక ప్రకటన చేశారు. భర్తీ చేయనున్న మొత్తం పోస్టులు, విభాగాల వారీగా ఖాళీల వివరాల్లోకెళ్తే..

జూనియర్‌ అసిస్టెంట్ విభాగంలో 177, మైనింగ్ ఇంజనీర్ విభాగంలో 39, ఇండస్ట్రియల్ ఇంజనీర్ విభాగంలో 10, ఐటీ ఇంజనీర్ విభాగంలో 6 ఖాళీలు ఉన్నట్లు అధికారులు వెల్లడించారు. ప్రస్తుతం మొత్తం ఖాళీల సంఖ్య 232 గా ఉంది. అయితే నోటిఫికేషన్లు విడుదలయ్యే నాటికి ఈ సంఖ్య భారీగా పెరిగే అవకాశం ఉన్నట్లు సమాచారం.

ఇంజినీరింగ్‌ చేసిన వారికి BHEL లో ఉద్యోగాలు.. రాత పరీక్ష లేదు.. రూ.71,040 వరకూ జీతం
ఇదిలా ఉంటే.. గడిచిన ఏడేళ్లలో మొత్తం 16,040 ఉద్యోగాలను భర్తీ చేసినట్లు సింగరేణి సంస్థ తెలిపింది. 58 ప్రత్యక్ష నియామకాల నోటిఫికేషన్ల ద్వారా 3,498, కారుణ్య వారసత్వ నియామకాల ద్వారా 12,553 నియామకాలను చేపట్టినట్లు సంస్థ ఓ ప్రకటనలో తెలిపింది. ఎలాంటి అవకతవకలకు చోటు లేకుండా ఉండేందుకు ఇంటర్వ్యూల విధానాన్ని పూర్తిచేసినట్లు సంస్థ స్పష్టం చేసింది.

కొత్త ఏడాది ప్రారంభంలో 50 వేల ఉద్యోగాల భర్తీ..?తెలంగాణ ప్రభుత్వం న్యూ ఇయర్ లో భారీగా ఉద్యోగాలను భర్తీ చేయనున్నట్లు తెలిపింది. ప్రస్తుతం రాష్ట్రంలో ఉద్యోగుల కేటాయింపు, బదిలీల ప్రక్రియ దాదాపు చివరి దశకు చేరింది. ఈ ప్రక్రియ ముగియగానే ఉద్యోగాల భర్తీకి భారీగా నోటిఫికేషన్లు విడుదలయ్యే అవకాశం ఉంది.