Telangana Govt Jobs: తెలంగాణలో త్వరలోనే జాబ్‌ నోటిఫికేషన్లు..! ఎప్పటినుంచంటే..?

తెలంగాణలోని నిరుద్యోగులకు గుడ్‌న్యూస్‌. ప్రభుత్వం (Telangana Government) ఉద్యోగాల భర్తీ విషయమై శుభవార్త చెప్పేందుకు సిద్ధమవుతోంది. ఇందుకు సంబంధించిన పూర్తి వివరాలు ఇలా ఉన్నాయి. తెలంగాణలో దాదాపు 60 వేలకు పైగా ఉద్యోగాలను భర్తీ చేయనున్నట్లు సీఎం కేసీఆర్‌ ఇటీవల అనేక సార్లు ప్రకటించిన విషయం తెలిసిందే.

దీంతో ఆయా ఉద్యోగాల నోటిఫికేషన్ల కోసం నిరుద్యోగులు ఎదురుచూస్తున్నారు. అయితే.. ఎప్పటికప్పుడు నోటిఫికేషన్ల ప్రకటన వాయిదా పడుతుండడంతో నిరుద్యోగుల్లో నిరాశ వ్యక్తమవుతోంది. ఈ నేపథ్యంలో ఉద్యోగాల భర్తీ ప్రక్రియ త్వరలోనే ప్రారంభం కానున్నట్లు తెలుస్తోంది.

తాజాగా కొత్త జిల్లాల వారీగా ఉద్యోగుల కేటాయింపును తెలంగాణ ప్రభుత్వం చేపట్టింది. ఈ ప్రక్రియ పూర్తి కాగానే ఉద్యోగ నోటిఫికేషన్లు విడుదల అవుతాయని అధికార వర్గాలు చెబుతున్నాయి. ఈ మేరకు ఇటీవల మంత్రి శ్రీనివాస్ గౌడ్ సైతం కీలక ప్రకటన చేశారు. రాష్ట్రంలో ఉద్యోగుల సర్దుబాటు ప్రక్రియ పూర్తి కాగానే జాబ్ నోటిఫికేషన్లు విడుదలయ్యే అవకాశం ఉందని వెల్లడించారు.

RRB Group D Exam: రైల్వే ఉద్యోగాలకు పరీక్ష తేదీ వెల్లడి.. ఆర్‌ఆర్‌బీ గ్రూప్‌-డీ పరీక్ష ఎప్పుడంటే..?
IOCL: ఇండియన్‌ ఆయిల్‌ కార్పొరేషన్‌లో 300 ఉద్యోగాలు.. ఏపీ, తెలంగాణలోనూ ఖాళీలు.. ఈ అర్హతలుంటే ఉద్యోగం మీదే
రాష్ట్రంలో ఉద్యోగుల విభజన ప్రక్రియ మొదలైందని ఆయన వెల్లడించారు. ఉద్యోగుల సర్దుబాటు ప్రక్రియ పూర్తి కాగానే.. ఏ శాఖలో ఎన్ని ఖాళీలు ఉన్నాయో స్పష్టత వస్తుందని మంత్రి వివరించారు. అయితే ఉద్యోగుల సర్దుబాటు ప్రక్రియ ఈ నెలాఖరుకు ముగిసే అవకాశం ఉన్నట్లు తెలుస్తోంది. అన్ని అనుకున్నట్లు ఈ నెలాఖరుకు ఉద్యోగుల సర్దుబాటు ప్రక్రియ పూర్తయితే.. జనవరి 1 న్యూఇయర్ కానుకగా కొన్ని అయినా నోటిఫికేషన్లను విడుదల చేయాలన్నది సర్కార్ ఆలోచనగా తెలుస్తోంది.

ఒక వేళ సాధ్యం కాకపోతే జనవరి నెలాఖరు వరకైనా పూర్తి స్థాయిలో నోటిఫికేషన్లు విడుదల చేయాలని ప్రభుత్వం భావిస్తోంది. అయితే.. ఉద్యోగ ఖాళీల్లో దాదాపు 30 వేల నుంచి 40 వేల వరకు పోలీస్, టీచర్ ఉద్యోగాలే ఉండే అవకాశం ఉంది. రాష్ట్రంలో మొత్తం టీచర్ పోస్టుల సంఖ్య 22 వేలు ఉంటుందని అధికారులు లెక్క తేల్చారు.