Tspsc Group 1 Hall Ticket 2023 Out Exam On June 11th
TSPSC Group 1 ప్రిలిమ్స్ పరీక్షకు లైన్‌ క్లియర్‌.. పిటిషన్లు కొట్టివేసిన హైకోర్టు
TSPSC Group 1 Prelims Hall Ticket 2023 : షెడ్యూల్ ప్రకారం జూన్ 11వ తేదీన TSPSC Group 1 Prelims పరీక్ష జరగనుంది. ఇప్పటికే TSPSC Group 1 Prelims హాల్‌టికెట్లను అధికారిక వెబ్ సైట్ లో అందుబాటులో ఉంచారు.
Authored byకిషోర్‌ రెడ్డి | Samayam Telugu5 Jun 2023, 4:34 pm
TSPSC Group 1 Prelims : తెలంగాణ గ్రూప్ 1 ప్రిలిమ్స్ పరీక్షపై స్టే ఇచ్చేందుకు హైకోర్టు నిరాకరించింది. తాజాగా.. ఎగ్జామ్ రద్దు, వాయిదాపై దాఖలైన పిటిషన్లను హైకోర్టు సోమవారం కొట్టివేసింది. దీంతో జూన్ 11వ తేదీన నిర్వహించనున్న TSPSC Group 1 Prelims పరీక్షకు ఆటంకాలు తొలగిపోయాయి. షెడ్యూల్ ప్రకారం జూన్ 11వ తేదీన TSPSC Group 1 Prelims పరీక్ష జరగనుంది. ఇప్పటికే TSPSC Group 1 Prelims హాల్‌టికెట్లను అధికారిక వెబ్ సైట్ లో అందుబాటులో ఉంచారు.
Samayam Telugu
పేపర్లు లీక్‌ వ్యవహారంతో TSPSC Group 1 పరీక్ష వాయిదాతో పాటు.. గ్రూప్ 2, 3, 4 పరీక్షలకు మధ్య రెండు నెలల సమయం ఇవ్వాలని కోరుతూ 36 మంది అభ్యర్థులు తెలంగాణ హైకోర్టును ఆశ్రయించారు. గ్రూప్ - 1 ప్రిలిమ్స్ పై స్టే విధిస్తూ.. మధ్యంతర ఉత్తర్వులు ఇవ్వాలని పిటిషన్‌ ద్వారా కోర్టును అభ్యర్థిస్తున్నారు. అయితే.. తాజాగా ఎగ్జామ్ రద్దు, వాయిదాపై దాఖలైన పిటిషన్లను హైకోర్టు సోమవారం కొట్టివేసింది. గతేడాది అక్టోబర్‌లో గ్రూప్ 1 పరీక్ష జరిగింది. ఫలితాలు కూడా వెలువడ్డాయి. అయితే.. పేపర్ లీక్‌ వ్యవహారంతో TSPSC గ్రూప్ - 1 ప్రిలిమ్స్ రద్దు చేసింది. తిరిగి జూన్ 11వ తేదీన పరీక్ష నిర్వహించనున్నట్లు ప్రకటించిన విషయం తెలిసిందే.
రాష్ట్రంలో తొలి గ్రూప్ 1 నోటిఫికేషన్- పటిష్టమైన ఏర్పాట్లు: తెలంగాణ ఏర్పాటయ్యాక తొలిసారిగా గ్రూప్ 1 నోటిఫికేషన్ గత ఏడాది విడుదలైంది. మొత్తం 503 గ్రూప్-1 పోస్టులను భర్తీ చేయనున్నారు. ఈ గ్రూప్-1 పోస్టులకు మొత్తం 3,80,202 మంది అభ్యర్థులు దరఖాస్తు చేసుకున్నారు. జూన్ 11న ఉదయం 10.30 గంటల నుంచి మధ్యాహ్నం ఒంటిగంట వరకు పరీక్ష నిర్వహించేందుకు TSPSC ఏర్పాట్లు చేసింది. అయితే పరీక్ష ప్రారంభమయ్యే సమయానికి 15 నిమిషాల ముందే అభ్యర్థులు ఎగ్జామ్ సెంటర్ కు చేరుకోవాలని.. ఉదయం 10.15 తర్వాత అభ్యర్థులను ఎవరినీ ఎగ్జామ్ సెంటర్ కు అనుమతించేదిలేదని TSPSC స్పష్టం చేసింది. ఓఎంఆర్ పత్రంలో అభ్యర్థి వివరాలు జాగ్రత్తగా నింపాలని, తప్పులు జరిగితే.. కొత్త ఓఎంఆర్ ఇచ్చేది లేదని TSPSC అధికారులు తెలియజేశారు.
కిషోర్‌ రెడ్డి డైనమిక్ రైటర్, డిజిటల్ మీడియా ప్రొఫెషనల్. ఈ రంగంలో 6.8 సంవత్సరాల అనుభవం ఉంది. అతను డిజిటల్ మీడియాలో తన ప్రస్థానం ప్రారంభించినప్పటి నుంచి రాజకీయ, సినిమా, విద్య, ఉద్యోగాలు సహా అనేక విభాగాలను నిర్వహించడంలో గణనీయమైన నైపుణ్యాన్ని పొందారు.
రాయడంలో అతనికున్న అభిరుచి, కరెంట్ అఫైర్స్‌పై లోతైన జ్ఞానంతో కిషోర్‌ ఈ పరిశ్రమలో తనకంటూ ఒక పేరు తెచ్చుకున్నారు. విభిన్న విభాగాలలోని పాఠకులకు ఆకర్షణీయమైన సందేశాత్మక కంటెంట్‌ను రూపొందించారు. ప్రస్తుతం అతను పనిచేస్తున్న విభాగంలో.. 4.5 ఏళ్లుగా నిర్దిష్ట విభాగాన్ని నిర్వహిస్తున్నారు. అతను వ్యూవర్స్‌కు నచ్చే అత్యంత నాణ్యమైన కంటెంట్‌ను స్థిరంగా అందిస్తున్నారు.
కిషోర్‌ ఖాళీగా ఉన్నప్పుడు పుస్తకాలు చదవడం, ప్రముఖుల ఇంటర్వ్యూలు చూడటం వంటివి చేస్తుంటారు. ఈ పనులు తనను రిలాక్స్ చేస్తాయని, క్రియేటివిటీని రీఛార్జ్‌ చేస్తాయని అతను నమ్ముతున్నాడు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
